СПОРТ

PUBG: "Alpha Gaming" 6 тоглолт хийсний дараа хэсгээсээ дээгүүр бичигдвэл шөвгийн 16-д шалгарна

PUBG MOBILE тоглоомын ДАШТ буюу "PUBG Mobile Global Championship 2025" Тайланд улсад үргэлжилж байна.

Уг тэмцээн нь гурван сая ам.долларын шагналын сантай бөгөөд нийт 40 баг гурван шатанд хуваагдаж, Grand final буюу шөвгийн 16 багт багтахын төлөө өрсөлдөж байгаа юм. Энэ жилийн дэлхийн аваргад Монгол улсыг төлөөлөн "Alpha Gaming" баг оролцож байгаа бөгөөд тэд эхний The Gauntlet шатанд 13 дугаар байрт бичигдсэнээр шөвгийн 16-д шалгарч чадаагүй. Үргэлжлүүлэн хэсгийн шатнаас шөвгийн 16-д шалгарахын төлөө өрсөлдөж, хоёр өдрийн 12 тоглолтын нийлбэр дүнгээр 128 оноотойгоор хэсгээ тэргүүлж байна. "Alpha Gaming" баг өнөөдөр зургаан тоглолт хийсний дараа хэсэгтээ эхний гурван байрт бичигдвэл дэлхийн аваргын шөвгийн 16-д шалгарах юм.

Энэ жилийн дэлхийн аварга нийт дөрвөн шаттай зохиогдож байгаа бөгөөд тус бүрдээ шагналын сантай.

Тухайлбал The Gauntlet шат 429 мянган ам.доллар, хэсгийн шат 439 мянган ам.доллар, Last chance шат 93 мянган ам.доллар, Grand final шат 1.6 саяам.долларын шагналын сантай байх юм. Сүүлийн шилдэг 16 багийн өрсөлдөөнд түрүүлсэн баг 500 мянган ам.долларын эзэн болох юм.

Б.НОМТ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button