УЛС ТӨР

Б.Бат-Эрдэнэ: Гишүүдийн хөрөнгө орлого нь үндэслэлгүйгээр огцом нэмэгдээгүй гэж үзсэн

Өнөөдөр /2020.01.20/ УИХ-ын Ёс зүйн дэд хороо хуралдаж, хөрөнгө орлого нь үндэслэлгүй нэмэгдсэн гэх гишүүдийн асуудлыг хаалттай хэлэлцлээ. Уг хурлаар ямар шийдвэр гаргасан талаар тус хорооны дарга Б.Бат-Эрдэнэ дөнгөж сая сэтгүүлчдэд мэдээлэл өгөв.

Тэрбээр “”Бид уучлахгүй” хөдөлгөөнөөс Ж.Мөнхбат, М.Оюунчимэг, Л.Болд нарын гишүүдийн хөрөнгө орлого нь үндэслэлгүй нэмэгдсэнийг шалгуулах хүсэлт тавьсан. Энэ асуудлаар өнөөдөр хуралдлаа.

Хурал гишүүний горимын саналаар хаалттай болсон. Хуралдаанд ёс зүйн зөрчилтэй холбогдсон гишүүдийг өөрсдийг нь байлцуулан тайлбарыг авсан. Ингээд дэд хорооны гишүүдийн 3/2-ын саналаар ХОМ-тэй холбоотой техникийн алдаа гарсан гэж үзлээ.

Тиймээс гишүүдэд зөвлөмж өгөх шаардлагатай гэсэн шийдвэрт хүрсэн. Техникийн алдаа гэдэг нь янз бүрийн төрийн бус байгууллагад өмнө нь ажиллаж байсан, байгуулснаа мэдүүлээгүй гэх мэт зөрчил гарсан. Үндсэндээ гишүүдийн хөрөнгө орлого нь үндэслэлгүйгээр огцом нэмэгдээгүй гэж үзсэн” гэлээ.

Т.САНТ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

2 Сэтгэгдэл

  1. Авилг####, авах гээд л бүлэглэл хоорондын дайн явагдаж байна. Мөн мөнгө орохыг л хүлээж байгаа хүлээлт өөр юу байдгийн.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button