АТГ-аас хойшлуулашгүй ажиллагаа явуулж, ЭОТ ХХК-ийн захирал Э.Ганхүүг 48 цагийн хугацаатай баривчилжээ
Эрдэнэс Оюу толгой ХХК-ийн Гүйцэтгэх захирал Э.Ганхүү өчигдөр /2025.12.09/ АТГ-аас хойшлуулашгүй ажиллагаа явуулан 48 цагийн хугацаатайгаар баривчилжээ. Улмаар "Эрдэнэс Оюу толгой" ХХК-ийн албан өрөөнд нь нэгжлэг хийсэн байна. Гэхдээ одоогоор яллагдагчаар татаагүй байгаа аж.
"Оюу толгой" ХХК-аас "Эрдэнэс Оюутолгой" ХХК руу шилжүүлсэн 20 сая ам.долларын зарцуулалт болон компанийн байрыг худалдан авах үйл ажиллагаатай холбоотой баривчилсан байж болзошгүй гэх мэдээлэл бий. Энэхүү 20 сая ам.долларыг "шилжүүлсэн нь үнэн" хэмээн ярьж байв.
Уг нь тэрбээр, "Оюутолгой"-н асуудлаарх хянан шалгах түр хорооны нээлттэй сонсголд гэрчээр дуудагдаад байсан юм. Баривчилгааны 48 цагийн хугацаа нь маргааш орой дуусна. Хүсэлт гаргаж, шүүхээс үргэлжлүүлэн хорихгүй бол нөгөөдрийн сонсголд оролцох боломжтой гэсэн үг.
Э.Ганхүүгийн хувьд, Нийслэлийн төсвийн хөрөнгө оруулалтын талаар Нийслэлийн тамгын газрын санхүү, төрийн сангийн хэлтсийн даргаар ажиллаж байсан. Барилга хот байгуулалтын яамны Санхүү хөрөнгө оруулалтын газрын даргаар ажиллаж байсан. Хөдөлмөр нийгмийн хамгааллын яамны Төрийн нарийн бичгийн даргаар ажиллаж байсан Г.Өнөрбаярыг Завханы Засаг даргаар явсны дараа түүний оронд томилогдон ажиллаж байв. Улмаар 2024.02.28-нд ХНХЯ-ны ТНБД-ын албан тушаалаас чөлөөлгдөж, тус албан тушаалд томилогдсон билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
МУНДАГ БҮСГҮЙДЭЭ ТИЙМ ХОЁРЫН ХООРОНД ЮМ ХИЙХГҮЙ БАЙХОО