Одон, медалийг хуурамчаар үйлдсэн иргэнийг ₮150 мянга, хуулийн этгээдийг ₮1.5 саяар торгоно
Сүүлийн өдрүүдэд цахим орчинд "Төрийн одон, медаль авна, зарна" гэх агуулгатай мэдээлэл нийтлэгдэх болсон. Монгол Улсын төрийн одон, медаль, цол, шагналыг олгох бүрэн эрх нь зөвхөн Монгол Улсын Ерөнхийлөгчид хуулиар олгогдсон бөгөөд эдгээрийг Ерөнхийлөгчийн зарлигаар олгодог байна.
Иймд төрийн одон, медалийг хуурамчаар үйлдэх, худалдан борлуулах нь хууль зөрчсөн үйлдэлд тооцогдох бөгөөд “Зөрчлийн тухай хууль”-ийн 15.21.2-т зааснаар уг зөрчлийг үйлдсэн иргэнийг нэг зуун тавин нэгжтэй тэнцэх хэмжээний төгрөгөөр, хуулийн этгээдийг нэг мянга таван зуун нэгжтэй тэнцэх хэмжээний төгрөгөөр торгох хариуцлага хүлээлгэнэ.
Мөн тус хуулийн 15.21.1-т зааснаар улсын цол, одон, медалиар шагнагдаагүй этгээд цолны тэмдэг, одон, медалийг зүүсэн тохиолдолд хүнийг тавин нэгжтэй тэнцэх хэмжээний төгрөгөөр торгох ялаар шийтгэнэ" гэж заасан байдаг.
Иргэн та дээрх төрлийн аливаа зар мэдээлэлд автахгүй байх, төрийн одон, медальтай холбоотой хууль бус үйлдэлд оролцохгүй байхыг цагдаагийн байгууллагаас анхаарууллаа.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хувиараа одон зүүсэн бол зарлиг өгчих, гүйцээ