Их Британийн ерөнхий сайд хунтайж асан Эндрюг Эпстейнтэй холбогдсон асуудлаар мэдүүлэг өгөх хэрэгтэй гэжээ
Их Британийн хунтайж асан Эндрю АНУ-ын зартай хүчирхийлэгч Жеффри Эпстейнтэй нэр холбогдсон дэлхийн элитүүдийн нэг билээ. Тэрбээр Эпстейнтэй холбогдсоныхоо төлөө хунтайж гэх цол хэргэмээ өгч, өөрийг нь шүүхэд өгсөн хохирогч эмэгтэйтэй шүүхээс гадуур тохиролцсон юм. Тэгвэл Их Британийн Ерөнхий сайд Кейр Стармер бямба гарагт /2026.01.31/ мэдэгдэл хийхдээ Эндрю Эпстейнтэй холбогдсон асуудлаараа АНУ-ын Конгрессын өмнө мэдүүлэг өгөх хэрэгтэй гэжээ.
АНУ-ын Хууль зүйн яам баасан гарагт /2026.01.30/ Эпстейнтэй холбоотой баримт бичгүүдийн зарим хэсгийг нийтэлсэн байна. Тэдгээр баримт бичгүүдээс харвал Эпстейн хүүхэд хүчирхийлсэн хэрэгт буруутай нь тогтоогдсоноос хоёр жилийн дараа ч гэсэн Эндрю түүнтэй холбоотой байсан аж. Мөн Эндрю шалан дээр хэвтэж буй үл мэдэгдэх эмэгтэйн бэлхүүсэнд хүрж буй зураг байсан юм. Эпстейн хүүхэд хүчирхийлсэн хэрэгт буруутай нь тогтоогдсоны дараа түүнтэй холбоогоо тасалсан гэх байр суурийг Эндрю илэрхийлж ирсэн. Мөн тэр ямар нэгэн буруу зүйл хийгээгүй гэж мэдэгдэж буй.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.