“Samsung”-ийн гэр бүл өв залгамжлалын 12 их наяд воны татвараа энэ сар төлж дуусгана
“Samsung Group”-ийг эзэмшдэг гэр бүл энэ сарын сүүл гэхэд өв залгамжлалын татварт өгөх ёстой мөнгөн дүнгийн үлдэгдлээ төлнө гэж эх сурвалжууд ням гарагт /2026.04.05/ мэдэгджээ. Тус гэр бүл 12 их наяд воны (8 тэрбум ам.доллар) татварыг 2021 оноос хойш төлж байгаа билээ.
Эх сурвалжуудын мэдээлснээр “Samsung Group”-ийн дарга агсан И Күн Хигийн хүү И Жэ Ён болон бусад өв залгамжлагчид хувьцаагаа худалдаж, ногдол ашгийн орлого гэх мэт аргаар татвараа төлж байгаа. Бусад өв залгамжлагч нар нь И Күн Хигийн эхнэр Хон Ра Хэ, охид болох И Бү Жин, И Сэ Хюн юм.
2020 онд И Күн Хи таалал төгссөнөөс хойш “Samsung”-ийн салбар компаниудаас түүний гэр бүл 4 их наяд воныг ногдол ашиг байдлаар хүртжээ. Өмнө нь авсан ногдол ашгийг оруулаад тэд нийтдээ 6 их наяд воныг өв залгамжлалын татварт өгсөн байна.
Эх сурвалж: Yonhap News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Манай монгол энэ хулгайч нараасаа розоытол татвар авдаг болохгүй юм бх даа.Татвар төлөхгүй л их мөнгөтэй хулгайч нар бх юм