Эрчим хүчний хэргүүд: Үндэслэлгүйгээр хөрөнгөжсөн нь тогтоогдсон тул Л.Насантогтохын хөрөнгийг битүүмжлэв

Зам тээврийн яамны ТНБД Л.Насантогтоход холбогдох эрүүгийн хэрэгт таван тэрбум төгрөгөөр үнэлэгдэх 17 үл хөдлөх хөрөнгө, гурван тээврийн хэрэгслийг битүүмжилжээ. Тодруулбал, тэрбээр хөрөнгө, орлого  нь их хэмжээгээр буюу 3,4 тэрбум төгрөгийн үнэлгээтэй дөрвөн үл хөдлөх хөрөнгө, хоёр тээврийн хэрэгсэл болон 80,0 мянган ам.доллараар нэмэгдсэнээ  хууль ёсных болохоо тайлбарлаж чадаагүй буюу үндэслэлгүйгээр хөрөнгөжсөн нь АТГ-ын мөрдөн шалгах ажиллагааны явцад тогтоогджээ.

Л.Насантогтох Эчим хүчний яамны ТНБД-аар ажиллаж байхдаа нэр бүхий ААН-д техникийн нөхцөл олгохдоо хууль зөрчиж бусдад давуу байдал олгосон, албаны чиг үүргээ хэрэгжүүлсний хариуд ААН-үүдээс 281.0 сая төгрөгийн үнэлгээтэй орон сууц, 100,0 сая төгрөг, 30,0 мянган ам.долларын хахууль авчээ. Иймд 6.9 тэрбум төгрөгөөр үнэлэгдэх 17 үл хөдлөх хөрөнгө, 635,7 сая төгрөгийн үнэлгээтэй гурван тээврийн хэрэгслийг битүүмжлэн шилжилт хөдөлгөөнийг хязгаарласан байна.

Мөн уг хэрэгт долоон хүн, нэг хуулийн этгээдийг яллагдагчаар татан шалгаснаар гэмт хэргийн шинжтэй 10 үйлдэлд 3.7 тэрбум төгрөгийн үндэслэлгүй хөрөнгөжсөн АТГ мөрдөн шалгах ажиллагааны явцад үйлдлийг тогтоосон. Түүнчлэн 53 хүнээс гэрчийн мэдүүлэг авч, 47 баримтад үзлэг хийж, аж ахуйн нэгж, байгууллагуудаас 65 лавлагаа болон арилжааны банкнаас лавлагаа гаргуулан авсан байна.

АТГ-аас 2026 он гарсаар нийтдээ эрчим хүчний  салбарт холбогдох хэргүүдэд мөрдөн шалгах ажиллагаа явуулж буй. Одоогоор Эрдэнэт, Булганы цахилгаан түгээх төрийн өмчит компанитай холбоотой албан тушаалтнуудын мөрдөн шалгах ажиллагааг дуусгаж, хэргийг прокурорын байгууллагад шилжүүлжээ.

Д.ХАДААН

Өөрийн сэтгэгдлээ илэрхийл

Share Tweet