Ойрх Дорнодод дайн эхэлж дэлхийн газрын тосны зах зээл хямарч, түүхий эдийн үнэ огцом нэмэгдээд байгаа. Гэсэн хэдий ч БНХАУ-ын аж үйлдвэрүүдийн ашиг гуравдугаар сард сүүлийн зургаан сард үзэгдээгүй хурдаар өслөө.
БНХАУ-ын Үндэсний статистикийн хороо танилцуулснаар гуравдугаар сард аж үйлдвэрийн ашиг өмнөх оны мөн үетэй харьцуулахад 15.8 хувиар өссөн байна. Энэ нь өнгөрсөн оны есдүгээр сараас хойш үзэгдсэн хамгийн хурдтай өсөлт юм. Оны эхний хоёр сард үйлдвэрүүдийн ашиг 15.2 хувиар нэмэгдэж байсан бол гуравдугаар сард ийнхүү илүү хурдтай өсөв.
Энэ жилийн эхний гурван сард аж үйлдвэрийн салбарын ашиг нийтдээ 15.5 хувиар өсжээ. 2021 оны цар тахлын дараах огцом өсөлтийг эс тооцвол, энэ нь 2017 оноос хойш оныг хамгийн өндөр өсөлттэй эхлүүлсэн тохиолдол болж байгаа юм.
Үндэсний статистикийн хорооны ахлах мэргэжилтэн Юу Вэйнин техник төхөөрөмж болон өндөр технологийн үйлдвэрлэлийн салбарын ашиг их байгааг онцолжээ. Эхний улиралд эдгээр салбарын ашиг тус тус 21 хувь болон 47.4 хувиар өссөн байна.
Хиймэл оюун ухаан болон хагас дамжуулагчийн эрэлт нэмэгдсэн нь оны эхний гурван сард хэд хэдэн салбарын ашгийг ихээхэн өсгөлөө. Шилэн кабель үйлдвэрлэгчдийн ашиг өмнөх оныхоос 336.8 хувиар өссөн байна. Мөн оптоэлектроник үйлдвэрлэгчдийн ашиг 43 хувиар, дэлгэц үйлдвэрлэгчдийн ашиг 36.3 хувиар тус тус нэмэгджээ
Ухаалаг бүтээгдэхүүний эрэлт хэрэгцээ мөн шинээр хөгжиж буй салбаруудын орлогыг бас өсгөв. Тухайлбал, дрон үйлдвэрлэгчдийн ашиг 53.8 хувиар нэмэгдсэн байна.
Газрын тос боловсруулах үйлдвэрүүд ашигтай ажиллаж эхэлсний нөлөөгөөр түүхий эд үйлдвэрлэгчдийн орлого эхний улиралд 77.9 хувиар нэмэгджээ. Сансар судлал, шинэ эрчим хүч, орчин үеийн мэдээллийн технологи зэрэг стратегийн ач холбогдолтой салбарууд мөн өсөлттэй байна. Эдгээр салбаруудын өсөлтийг дагаж өнгөт төмөрлөгийн үйлдвэрүүдийн ашиг 116.7 хувиар өсжээ.
2025 оноос өмнө БНХАУ-ын аж үйлдвэрүүдийн ашиг гурван жил дараалан буураад байсан юм. Үүний дараа 2025 онд ашиг 0.6 хувиар өсөж, нөхцөл байдал бага зэрэг тогтворжжээ. Одоогийн өсөлт нь уг тогтворжилтын дараа гарч ирж байна.
Экспортын үзүүлэлтүүд хүчтэй байсан нь үйлдвэрүүдийн ашиг нэмэгдэхэд тусалсан гэж “Pinpoint Asset Management” фирмийн эдийн засагч Жан Живэй хэллээ. Эхний улиралд БНХАУ-ын экспорт ам.доллароор тооцвол 14.7 хувиар өсжээ. Энэ нь 2022 оны эхэн үеэс хойших хамгийн өндөр үзүүлэлт юм.
Гэвч Ойрх Дорнодын мөргөлдөөн хоёрдугаар улиралд эдийн засагт дарамт болно гэж Жан Живэй үзэж байна. Эрчим хүчний үнэ өсөж, гадаадын орнуудын эрэлт буурч байгаа нь экспортлогчдод хүндрэл учруулж эхэлжээ.
Эрчим хүчний хямралын үед үйлдвэрүүдийн орлого харьцангуй тогтвортой байна
Газрын тосны үнэ өссөн нь дэлхийн эдийн засагт нөлөөлж эхэлсэн. Ираны дайны улмаас импортын өртөг нэмэгдэж, зарим түүхий эдээс хамааралтай үйлдвэрүүдийн ашиг буурч байгаа. Харин БНХАУ-ын үйлдвэрүүдийн ашиг өндөр хэвээр байгаа юм.
Хоёрдугаар сарын сүүлээр дайн эхэлснээс хойш Брент маркийн газрын тосны үнэ 48 орчим хувиар өссөн. Энэ нь дэлхий даяар химийн бодис, даавуу болон хуванцар материалын өртгийг нэмэгдүүлж байна.
БНХАУ эрчим хүчнийхээ ихэнхийг нүүрс болон сэргээгдэх эрчим хүчнээс гаргаж авдаг. "Morgan Stanley"-ийн эдийн засагч Робин Шин тайлбарласнаар энэ нь газрын тосны үнийн өөрчлөлтөөс хамгаалах нэг ёсны бамбай болж байгаа аж. Түүний хэлснээр Хятадын 32 салбарт хийсэн судалгаагаар үйлдвэрүүдийн 70 хувь нь үнийн өсөлтөд бага хэмжээнд өртсөн гэж хариулжээ. Дэлхийн бусад орны үйлдвэрүүдтэй харьцуулахад үйлдвэрлэл нь бага тасалдсан юм. Тэр "БНХАУ харьцангуй давуу талтай байгаа тул экспортын зах зээлд эзлэх байр сууриа нэмэгдүүлж магадгүй" гэж хэлжээ.
Гэхдээ Хятадын эдийн засаг дэлхийн хямралаас бүрэн тусгаарлагдаагүй байна. Дэлхийн эрэлт удааширвал БНХАУ-ын экспорт саарч магадгүй.
БНХАУ дайнаас өмнө Иранаас их хэмжээний газрын тос худалдан аваад нөөцөлсөн байсан. Энэ нь газрын тосны үнийн өсөлтөөс хамгаалах түр зуурын нөөц болж өгч байгаа юм. Гэвч АНУ-ын Ерөнхийлөгч Доналд Трампын захиргаа Ормузын хоолойг хаасан нь нөхцөл байдлыг өөрчилж магадгүй. Дайн эхлэхээс өмнө БНХАУ газрын тосны импортынхоо тал орчим хувийг Ормузын хоолойгоор худалдан авдаг байсан билээ.
Трампын захиргаа БНХАУ-ын бие даасан газрын тос боловсруулах үйлдвэрт хориг тавьж буйгаа мэдэгдсэн. Тэдгээр үйлдвэрүүд Иранаас олон тэрбум долларын тос худалдаж авсан гэж буруутгагдаж байна. Газрын тос боловсруулах бие даасан үйлдвэрүүд нь БНХАУ-ын нефть боловсруулах хүчин чадлын дөрөвний нэгийг бүрдүүлдэг учир энэ хориг хүнд тусаж магадгүй юм.
Эх сурвалж: CNBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Тэр боломжгүй шүү дээ, худал тархи угаалгын мэдээ.
ene bol strategiin zuv bodlogo yavuulj baigaagiin jishee bn
Дайнтай үед ч ашиг өсгөж байна гэдэг сонин юм
busad ulsuud unaj bhad ene uls osgoh yum aa
Технологийн салбар их нөлөөлж байна даа
AI bol ir future gedeg ni haragdaj bn
Газрын тосноос бага хамааралтай нь давуу тал болжээ
ene bol erchim huchnii bodlogo zuv yavaag haruulj bn
export osvol ediin засag sain yavna shuu
Дэлхийн зах зээл дээр байр сууриа нэмэгдүүлж байна
ene bol busad ulsuudad tom daramt boloh bh daa
Нүүрс, сэргээгдэх эрчим хүч сайн нөлөөлж байна
neftiin une osgohod hurtel ashigaa nemdeg ni sonin yum
Монголд ийм бодлого хэрэгтэй юм даа
bid bas erchim huchnee ingej shiideh heregtei
хятдад хэт хортой хүнс дэлгэрч олон хүн хордож үхэж байгаа. солонгосууд хятдад хийсэн хуурамч бараагаа монголд зардаг учир амт нь ч хачин гэж солонгосууд ярьж байна лээ хужаа нарын хийсэн юм болгон хэдхэн хоногийн настай чанаргүй. барилгууд нь нурдаг болсон . бүр араг ясгүй олон шавар барилга босгочихсон барьж дуусаагүй байхдаа нураад хөгийн улс . баруун дайсагнангуут эдийн засаг нь нурж олноороо гудамжны тэнэмэл болчихсон . дээр нь хүний эрхтний наймаа хэрээс хэтэрч өдөрт олон хүүхэд залуус алга болдог болчихсон.
Хятадын эдийн засаг үнэхээр хурдтай сэргэж байна