“The Devil Wears Prada 2” кино эхний гурван хоногтоо 233 сая ам.долларын орлого олжээ
Өнгөрсөн долоо хоногийн баасан гарагт /2026.05.01/ “The Devil Wears Prada 2” кино дэлхий даяар нээлтээ хийсэн. Тус кино эхний гурван хоногтоо АНУ-ын дотоодын бокс оффисоос 77 сая ам.долларын орлого олжээ. АНУ-ын дотоодын бокс оффисыг авч үзвэл “The Devil Wears Prada 2” энэ жилийн дөрөв дэх хамгийн том киноны нээлт байв. Тус кино нээлтийн орлогоороо “The Super Mario Galaxy Movie” (131 сая ам.доллар), “Michael” (97.5 сая ам.доллар), “Project Hail Mary” (80 сая ам.доллар) уран бүтээлийн ард жагслаа.
Харин олон улсын бокс оффисоос “The Devil Wears Prada 2” кино 156.6 сая ам.доллар олж нийтдээ 233 сая ам.долларын орлого авчирсан байна. Тус киног маркетингийн зардлыг тооцолгүйгээр 100 сая ам.доллароор бүтээжээ.
2003 онд нээлтээ хийсэн “The Devil Wears Prada” 326 сая ам.долларын ашиг олсон. Киноны хоёрдугаар анги хэдхэн долоо хоногийн дотор энэ орлогыг давах төлөвтэй байна.
Эх сурвалж: Variety
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.