БНХАУ зэвсэгт хүчин дээд удирдлага дундаа цэвэрлэгээ явуулж хэд хэдэн өндөр албан тушаалтныг татан буулгаж, хэрэг үүсгээд байгаа. Тэгвэл тус улсын цэргийн шүүх батлан хамгаалахын сайд асан нар болох Вэй Фэнхэ, Ли Шанфү нарыг авлига авсан хэрэгт гэм буруутай гэж үзэж, хоёр жил харгалзах цаазаар авах ял оноосон байна. Шүүх мэдэгдэл хийхдээ хоёр жил харгалзсаны дараа тэдний ялыг суллагдах боломжгүйгээр бүх насаар хорих ял болгон хөнгөлнө гэжээ.
72 настай Вэй Фэнхэ 2013-2023 оны хооронд батлан хамгаалахын сайдаар ажилласан юм. 2023 онд Ли Шанфү найман сарын хугацаанд тус албыг хашжээ. Тэднийг 2023 онд БНХАУ-ын зэвсэгт хүчний авлигатай тэмцэх хэлтэс мөрдөн шалгаж эхэлсэн юм. БНХАУ-ын Ерөнхийлөгч Ши Жиньпин зэвсэгт хүчиндээ явуулж буй цэвэрлэгээний улмаас 2022 оноос хойш 100 орчим офицер халагджээ. Мөн 36 генерал, дэслэгч генералыг ажлаас нь чөлөөлсөн байна. “Center for Strategic and International Studies”-ийн гаргасан мэдээллээр бол Хятадын чөлөөлөх армийн дээд албан тушаалтнуудын 52 хувь нь үүнд өртжээ. Нэгдүгээр сард Ши Жиньпин зэвсэгт хүчнийхээ хамгийн өндөр албан тушаалтай Жан Юушиаг татан буулгасан юм.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
АТААРХАЖ ҮХЛЭЭ ШЭЭС ДУСАГНАЖ БАЙНА ИЙМ ГОЁ ХУУЛЬ ЦААЗТАЙ УЛС САЙХАН ЮМАА СИ ДАРГАА ТА МАНАЙ МОНГОЛЫН АВИЛГАЧ ЛАЛАРУУДЫГ ЦААЗЛААД ӨГЧИХӨӨЧ
мундаг ерөнхийлэгч байна.цэвэрлэгээхийж байна.
Ийм шударга байх хэрэгтэй
manai avilgachid oorsddoo zoriulj hurdnii zam bariulaadl alil ongotei gazar buhniig avchihsan tushaal devsheedl gadaadad zugaalaadl saihan bainaa