Отгонтэнгэр хайрхны төрийн их тахилга зургаадугаар сарын 16-17-нд зохион байгуулагдахаар тов гарсан. Тахилгын ёслол эхлэхээс өмнө Отгонтэнгэрийн улсын тусгай хамгаалалттай газрын хамгаалалтын захиргаанаас Очирваань бурханы эргэн тойронд уясан хадаг, шашины эд зүйлсийг ачиж цэвэрлэсэн байна. Тиймээс тахилгад оролцохоор ирж буй иргэд байгальд шингэдэггүй хог хаягдал, хадаг, найман тахил гэх мэт зүйлсийг авчирч овоонд өргөхгүй байх уриалга гаргажээ.
Төрийн их тахилгын ёслолын өмнөх өдөр буюу зургаадугаар сарын 16-нд шашин урлагийн цэнгүүн болж, орой нь долоон бурхан одыг тахих юм. Зургаадугаар сарын 17-ны арга хэмжээ өглөө 05:00 цагаас эхлэхээр байна. Харин Отгонтэнгэр хайрхны тэнгэрийг тахих төрийн их тахилгын ёслол 11:40 цагт эхэлнэ.
Х.ХУЛАН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.