АНУ-ын мэргэжлийн сагсан бөмбөгийн NBA-ын 2026 оны драфтын нэгдүгээр тойрог энэ сарын 23-нд Нью-Йорк хотын "Barclays Center"-т болно. Драфт хоёр өдөр үргэлжлэх бөгөөд хоёрдугаар тойргийн сонголт энэ сарын 24-нд зохион байгуулагдах хуваарьтай байна.
МУГТ Ц.Шаравжамцын хүү Ш.Энхийн-Од энэ жилийн драфтад нэрээ дэвшүүлээд буй. Ш.Энхийн-Од NBA-ын Лос Анжелес Лэйкерс, Милуоки Бакс, Орландо Мэжик, Даллас Маверикс, Мемфис Гриззлис гэсэн NBA-ын таван багийн бэлтгэлд хамрагдсан.
Монгол тамирчин NBA-ын багт сонгогдож түүх бүтээх эсэх нь гурван өдрийн дараа тодорхой болох юм. Дашрамд дурдахад, энэ жилийн драфтад 71 тоглогч нэрээ дэвшүүлсэн бөгөөд энэ нь сүүлийн жилүүдийн хамгийн бага үзүүлэлт болсон байна.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.