Улаанбаатар хотын иргэдийн өдөр “Хүрээ цам-Даншиг наадам 2026” зургаадугаар сарын 27-28-ны өдрүүдэд Хүй долоон худагт болно. Наадмын үеэр худалдаа, үйлчилгээ эрхлэх иргэн, хуулийн этгээдийн бүртгэлийг зургаадугаар сарын 23-ны өдрийн 13:00 цаг хүртэл сунгасан байна.
Хоол үйлдвэрлэл, үйлчилгээ эрхлэхэд бүрдүүлэх баримт бичиг:
(Зөвхөн аж ахуйн нэгж бүртгүүлэхийг анхаарна уу)
- Онлайн бизнес төвд бүртгүүлсэн, зөвшөөрөгдсөн төлөвтэй “Бүртгэлийн хуудас” эсхүл Зөвшөөрлийн нэгдсэн системийн баталгаажсан төлөвтэй “Мэдэгдэл”-ийн тодорхойлолт;
- Тогоочийн мэргэжлийн үнэмлэх;
- Тогооч болон ажилчдын эрүүл мэндийн урьдчилан сэргийлэх үзлэг, шинжилгээнд хамрагдсан дэвтэр (сүүлийн 6 сарын хугацаанд үзлэг, шинжилгээнд хамрагдсан байх);
- Хуулийн этгээдийн улсын бүртгэлийн гэрчилгээ;
- Захирлын иргэний үнэмлэх;
- Иргэний үнэмлэх;
- Явуулын хоолны машины зураг;
- Албан хүсэлт, өргөдөл;
Худалдаа, үйлчилгээ эрхлэхэд бүрдүүлэх баримт бичиг:
- Онлайн бизнес төвд бүртгүүлсэн, зөвшөөрөгдсөн төлөвтэй “Бүртгэлийн хуудас” эсхүл Зөвшөөрлийн нэгдсэн системийн баталгаажсан төлөвтэй “Мэдэгдэл”-ийн тодорхойлолт;
- Ажилчдын эрүүл мэндийн урьдчилан сэргийлэх үзлэг, шинжилгээнд хамрагдсан дэвтэр (сүүлийн 6 сарын хугацаанд үзлэг, шинжилгээнд хамрагдсан байх);
- Худалдах бараа, бүтээгдэхүүний нэр төрөл, зураг;
- Иргэний үнэмлэх;
- Хуулийн этгээдийн улсын бүртгэлийн гэрчилгээ;
Иргэн, ААН-ийг бүртгэх хугацаа өнөөдөр дуусах байсныг маргааш буюу зургаадугаар сарын 23-ны 13:00 цаг хүртэл сунгасан байна.
Х.ХУЛАН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.