“FIFA” АНУ-ын тоглогчийн улаан хуудсыг түдгэлзүүлсний дараа Англи мөн адил зүйл хүсэж байна
АНУ-ын Ерөнхийлөгч Доналд Трамп “FIFA”-гийн Ерөнхийлөгч Жианни Инфантинод хувьчлан хүсэлт гаргасны дараа АНУ-ын шигшээ багийн тоглогч Фоларин Балогуны улаан хуудсыг түдгэлзүүлсэн. Тэгвэл Их Британийн улстөрчид шигшээ багийнх нь Жарелл Куансад адил хандахыг уриалжээ. Мөн Их Британийн парламентын хороо Куансад улаан хуудас өгсөн анхны шийдвэрийн талаар тайлбар авах хүсэлтэй байгаа аж.
Английн хөлбөмбөгийн холбоо улаан хуудсыг түдгэлзүүлэх бүх хувилбарыг авч үзэж байгаа гэж нэгэн эх сурвалж мэдэгджээ. АНУ-ын шигшээ багийн Балогуны улаан хуудсыг түдгэлзүүлсэн нь энэ жилийн ДАШТ-ийн хамгийн том дуулиан болж байна. Их Британийн парламентын гишүүд Куансагийн улаан хуудсыг түдгэлзүүлсэн шийдвэр гаргуулах хүсэлтэй байгаа нь Балогуны тохиолдлыг жишээ болгон ашиглан “FIFA”-д уриалга гаргаж буй анхны тохиолдол юм. Трампын лоббидолтоор улаан хуудсыг түдгэлзүүлсэн тохиолдлыг бусад орнууд ч мөн жишээ болгон ашиглаж “FIFA”-д хүсэлт гаргаж магадгүй байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.