Дөрвийн даваанд Отгон аварга Оргихын Хангайг давж шуугиулсан. Тавын даваанд Улсын заан Б.Серикийг давж начин цолны болзол хангаж, зургаагийн даваанд аймгийн хурц арслан Н.Амгаланбаатарыг давж аймгийн начнаас Улсын заан хүртэл дүүлсэн Батбаярын Сундуйжавыг онцолж байна.
Тэрбээр өдгөө 22 настай бөгөөд Завхан аймгийн “Даян” дэвжээний бөх юм. Улсын начин цол хүртсэн 17 хүчтэнээс хамгийн залуу нь байлаа. Түүний бүтээсэн түүх буюу Аймгийн начнаас Улсын заан хүрсэн нь хоёр дахь тохиол юм.
21 насандаа улсын заан болсон анхны бөх нь даяар дурсагдах, далай даян, дархан аварга Бадмаанямбуугийн Бат-Эрдэнэ юм. Тэрбээр 1986 онд 21 насандаа улсын заан цол хүртэж байсан.
“Хилчин” спорт хороо, Завхан аймгийн “Даян” дэвжээний бөх Б.Сундуйжав нь 2004 оны 2 дугаар сарын 16-ны өдөр Завхан аймгийн Улиастай хотод төрсөн. 184 см өндөртэй, 115 кг жинтэй. 2023 оны 07 сарын 11-нд Аймгийн начин цол хүртэж байжээ.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.