Энэ бямба гараг буюу 08.15-наас 09.12 хүртэл нийслэлд авто машины дугаарын хязгаарлалт тогтооно гэдгийг Хотын дарга Б.Пүрэвдагва өнгсөрсөн сард мэдээлсэн.
Ирэх долоо хоногт Цөлжилттэй тэмцэх тухай НҮБ-ын конвенцын талуудын 17-р бага хурал эхэлнэ. Хуралд 4000 орчим хүн оролцох төлөвлөгөө бий.
Нийслэлд хөдөлгөөнд оролцож буй тээврийн хэрэгсэл жилд дунджаар 8-10 хувиар өсдөг. Тэгш өдөр тэгш тоотой, сондгой өдөр сондгой тээврийн хэрэгсэл хөдөлгөөнд оролцох юм. Есдүгээр сарын 1-ний өдөр сургууль цэцэрлэгийн нээлтийн үйл ажиллагаатай холбоотой ачаалал ихэсдэг учраас ямар нэг хязгаарлалтгүйгээр хөдөлгөөнд оролцох тов бий.
Энэ жил ямар нэгэн бүсчлэлгүйгээр 07:00-21:00 цаг хооронд хязгаарлалт үйлчлэх юм. Уулзвар бүр дээрх хяналтын камерын тусламжтайгаар хяналт тавих аж.
Тэгш, сондгой дугаарын хязгаарлалтад хамаарагдахгүй тээврийн хэрэгслүүд:
- Ногоон дугаартай цахилгаан тэжээлийн тээврийн хэрэгсэл,
- Хэвлэл мэдээллийн байгууллагын тээврийн хэрэгсэл,
- Дипломат байгууллага болон зочид төлөөлөгчдийн үйлчилгээнд явж буй тээврийн хэрэгсэл,
- Ажилчид, сургуулийн автобус,
- Стандартын шаардлага хангасан такси үйлчилгээ,
- Хүнсний түгээлт болон татан авалтын тээврийн хэрэгсэл,
- Оршуулгын үйл ажиллагаанд үйлчилж буй тээврийн хэрэгсэл,
- Жуулчин тээвэр,
- Эмнэлэг, цагдаа, онцгой байдлын болон нийтийн тээвэр,
- Хот нийтийн аж ахуйн чиглэлээр үйл ажиллагаа явуулж буй тусгай тээврийн хэрэгслүүдэд дугаарын хязгаарлалтад үйлчлэхгүй.
Б.АЛТАНГЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зуслан дээр машин унаж болохгүйюу
2026.09.01 өдөр авто машины хөдөлгөөнийг ХОТ ДАЯАР бүрмөсөн ЗОГСООНО
гэсэн үг үү???.
Чадах вэ эд нарыг???? Олигтойхон төрийн түшээ, мэргэжилтнүүд алга уу?