Украины Ерөнхийлөгч Володимир Зеленский лхагва гарагт /2026.08.12/ мэдэгдэл хийхдээ ОХУ-ын Новороссийск боомтод цохилт өгсөн гэжээ. Тус боомт нь Хар тэнгис дэх ОХУ-ын гол үйл ажиллагааны төв билээ. Новороссийск боомт нь тус бүс нутаг дахь ОХУ-ын тэнгисийн цэргийн сүүлчийн томоохон бааз байсан юм.
Зеленский хэлснээр Украин тийрэлтэт хөдөлгүүртэй Палианится дрон, Нептун пуужин, алсын зайны удирдлагатай зэвсгүүд ашиглаж Новороссийскийн агаарын хамгаалалтын системүүд, боомтын дэд бүтцэд цохилт өгчээ. Новороссийск нь Украины дайны фронтоос 300 км орчим зайтай оршдог хот.
Украин ОХУ-ын Хар тэнгисийн флотод эрчимтэй цохилт өгсний улмаас Москва Крымийн хойгоос цэргийн объектуудаа нүүлгэн Новороссийскийг ашиглах болсон юм. Үүнээс өмнө Москва Крымийн хойг дахь Севастополийг Хар тэнгисийн флотынхоо гол бааз болгон ашигладаг байв. Киев Новороссискт цохилт өгсөн нь Москва Хар тэнгисийн флотоо татсан ч гэсэн цохилт өгөх боломжтой гэх мессежийг өгч байна гэж шинжээчид дүгнэжээ.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.