Алдарт Лионель Месси олон улсын хөлбөмбөгийн тэмцээнүүдэд дахин оролцохгүй, Аргентины шигшээ багаас зодог тайлж буйгаа мэдэгдсэн байна. 39 настай тэрбээр 2022 онд шигшээ багаа хөлбөмбөгийн ДАШТ-ийн аваргын цомд хөтөлж, хоёр ч удаа Өмнөд Америкийн аварга болсон билээ. Тэрбээр олон улсын тэмцээнүүдэд нийтдээ 207 тоглолтод оролцож, 125 гоол оруулснаараа Аргентины бүх цаг үеийн мэргэн бууч болсон юм.
Месси өөрийн Instagram хуудас дээрээ гараар бичсэн мэдэгдэл нийтлэхдээ ийм шийдвэр гаргахад хэцүү байгаа ч одоо цаг нь ирсэн гэжээ. Мөн тэр Аргентины шигшээ багтаа бүхнээ зориулсан ч одоо өгөх өөр зүйл үлдсэнгүй хэмээсэн юм. Месси нэмж бичихдээ “Цаг хугацаа явж, хуучин бүлгүүд эхнээсээ дуусаж байна. Энэ бүлгийг дуусгах нь миний хувь их хэцүү байлаа. Үндэсний шигшээ багтаа би хайрлаж ирсэн, хайртай, хайрласаар байх болно. Би шигшээ багтаа бүхнээ зориуллаа, одоо өөр өгөх зүйл үлдсэнгүй. Үүнээс гадна миний араас боломжоо хүртэх ёстой үнэхээр гайхалтай залуу тоглогчид гарч ирж байна” гэжээ.
Эх сурвалж: BBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.