ИНҮТ-өөс ₮400 саяын тэтгэмж авч гарсан П.Ганболд ИНЕГ-т төлөвлөлт хариуцсан даргаар ирэв

"Иргэний нисэхийн үндэсний төв" ТӨХХК-д дэд дарга, ерөнхий менежерийн албыг хашиж байсан П.Ганболд бүтцийн шинэчлэлтээр ажлаасаа чөлөөлөгдөхдөө ₮400 саяын тэтгэмж авч гарчээ. Ажлаа өгсөн огноо нь өнгөрсөн долоон сар. Гэтэл хэдхэн хоногийн өмнө |2026.08.28|-нд Иргэний нисэхийн ерөнхий газарт Төлөвлөлт, зохицуулалтын газрын даргаар томилогдсон байна.

Төрийн албанд удаан ажиллаад чөлөөлөгдвөл, хөдөлмөрийн чадвараа алдвал, тэтгэвэрт гарвал гээд олон нөхцөлөөр тэтгэмж авдаг тогтолцоо манай улсад бий. Зарим албан хаагчид ажилласан жил нь хүрэхгүйн улмаас үүнийгээ авч чадахгүй гарах нь ч бий. Тэгвэл П.Ганболд орон тооны цомхотголоор чөлөөлөгдсөн тэтгэмжээ авчихсан, удахгүй тэтгэвэрт гарахдаа дахин тэтгэмж авах нөхцөлөө бүрдүүлэн ажилд орсон байна.

Нэг. П.Ганболдын авсан 400 саяын тэтгэмжийн учир

ИНҮТ-ийн дотоод журмын 8.3-т "Хөдөлмөрийн тухай хуулийн 80 дугаар зүйлийн 80.1.1 дэх хэсэгт заасан үндэслэлээр хөдөлмөр эрхлэлтийн харилцааг цуцалсан ажилтанд Компанийн салбар, нэгжид ажилласан жилээс хамааруулж тэтгэмж олгоно" гэж тусгасан байдаг.

Хууль: Хөдөлмөрийн тухай хуулийн 80.1.1-т | "аж ахуйн нэгж, байгууллага, түүний салбар, нэгж татан буугдсан, ажлын байр хасагдсан, орон тоо цөөрсөн бол" хэмээн тусгасан байдаг.

П.Ганболдын хувьд 25 жилээс дээш ажилласан тул 24 сарын дундаж цалингаа нэг удаа тэтгэмжээр авсан нь энэ. Түүний нэг сарын цалин ойролцоогоор 16.6 сая байсан гэсэн үг.

Хоёр. ИНЕГ-аас тэтгэвэрт гарвал 36 сарын тэтгэмж авна

П.Ганболдын сүүлийн таван жилийн ХОМ, ажилласан байдлыг нь харвал,

• |2021.04.02| - |2025.01 сар| хүртэл ИНЕГ-т Ерөнхий менежер, албаны даргаар
• |2025.01.16 |- |2026.07 сар| хүртэл ИНҮТ-т дэд захирал, ерөнхий менежерийн албыг хашсан байна.

Одоо ИНЕГ-т Төлөвлөлт, зохицуулалтын газрын дарга. Хоёр орчим жилийн дараа тэтгэвэрт гарах үед нь түүнд ИНЕГ 36 сарынх нь цалинг нэг удаа тэтгэмжээр олгох үүрэг хүлээнэ. Энэ нь ИНЕГ-ын дотоод журамд нарийн тусгажээ.

Тухайлбал, уг журмын 3.1.1-т Хөдөлмөрийн тухай хуулийн 82 дугаар зүйлийн 82.5 дахь хэсэгт заасан үндэслэлээр хөдөлмөрийн хэвийн нөхцөлөөр тэтгэвэр тогтоолгосон бол, ингэхдээ 25 жилээс дээш ажилласан бол 36 сарын дундаж цалинтай тэнцэх хэмжээний тэтгэмжийг нэг удаа олгоно гэж тусгажээ. Ингэж тооцвол ойролцоогоор 500-600 сая төгрөгийн тэтгэмжийг ИНЕГ-аас тэтгэвэрт гарахдаа авна гэсэн үг.

Хамгийн сүүлд буюу 2025 онд мэдүүлсэн ХОМ-тээ

• Өөрийн орлого: 203 сая
• Гэр бүлийн орлого: 25 сая
• Нийтийн орон сууц 2, зуслангийн байшин 1, гүний худаг 1: ₮1.1 тэрбум
• Үхэр 150: 240 сая
• Эзэмших газар: 20 сая
• Үнэт эдлэл: 85 сая
• Хадгаламж: 9.1 сая
• Авлага: 72 сая
• Зээл: 105 сая гэж мэдүүлжээ.

Үүнээс гадна, Сэндлий ХК, Лэндмн ББСБ ХК, Түмэн Шувуут ХК, АПУ ХК , Өсдөг үхэр гэх компаниудад хувьцаа эзэмшдэг болохоо мэдэгдсэн байна.

Өөрийн сэтгэгдлээ илэрхийл

Share Tweet