Есдүгээр сарын 7-8-нд шилжих шөнө газар тариалангийн бүс нутгаар хөрсөн дээр цочир хүйтрэлт болж нийт нутгаар хүйтрэх төлөвтэй байгааг цаг уурын байгууллагаас мэдээлсэн. Түүнчлэн Улаабаатар хотод агаарын температур шөнөдөө +3...+8 хэм, Яармаг, Сонгиноны орчмоор -2...+3 хэм, Туул голын хөндий дагуу -1...-3 хэм хүйтэн, хөрсөн дээр цочир хүйтрэх аж.
Тэгвэл орон сууц болон ААН-үүдийн халаалт хэзээ ирэх талаар "Улаанбаатар дулааны сүлжээ ТӨХК-аас тодруулахад "Нийслэлийн хэмжээнд орон сууц, сургууль, цэцэрлэг, эмнэлгүүдийн халаалтыг энэ сарын 15-ны өдрөөс эхлэн өгнө. Харин аж ахуйн нэгж, албан байгууллагуудын халаалтыг ирэх сарын 1-нээс өгч эхэлнэ" гэлээ.
Б.САНАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.