О.Хангай: Малчдын өвөлжөө, хаваржааны газарт хашаалсан бунхан, шарилыг цэгцлэх цаг болсон
Сүүлийн үед Баян-Өлгий аймгийн газар ашиглалт, бэлчээрийн хүрэлцээний асуудал олон нийтийн анхаарлыг татаж эхэлсэн. Учир нь исламын шашинтай иргэд уламжлалын дагуу талийгаачдаа оршуулахдаа малчдын өвөлжөө, хаваржааны газарт оршуулгын бунхан, шарил тавих асуудал гарах болсон.
Тэгвэл энэ талаар Монгол Улсын аварга О.Хангай "Малын бэлчээр, өвөлжөө, хаваржааны газар,сумын төв шиг энэ тэндгүй хашаалсан бунхан шарилыг цэгцлэх цаг болсон байхаа. Урианхай ,тува, дөрвөд иргэдээ тухайн сум аймгийн тамгын газар, ажлын байраар хангаж ажиллаж амьдрах орчин нөхцөлийг бүрдүүлье" хэмээн өөрийн цахим хуудаснаа бичжээ.
Ташрамд дурдахад, иргэд уг асуудлыг зохицуулах хууль эрх зүйн орчин шаардлагатай байгаа гэж үзэн нийтийн өргөдөл санаачилсан бөгөөд 100,000 гаруй иргэн дэмжиж гарын үсэг зураад байгаа юм.
Б.САНАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Аваргын зөв.