Монгол Улсын Ерөнхий сайд Н.Учрал, Ардчилсан намын бүлгийн ажлын албаны дарга Б.Энхмөнх нар өнөөдөр АТГ-ын үүдэнд мэдээлэл хийхээр нэгэн зэрэг очиж, хэн нь том, бас хэр нөлөөтэйгөө үзэх гэсэн аятай багахан зөрчил хүртэл үүсгэв. Намрын улс төр халж буй энэ өдрүүдэд Засгийн газрын тэргүүнийг төсөвтөө гэнэт тодотгол хийх болсон, хэт өндөр зардал бүхий данхайсан төсвийн төсөл өргөн барьсныг нь парламент дахь сөрөг хүчний зүгээс шүүмжилж буй.
Тэр дундаа 2026 оны төсвийн тодотголтой холбоотой боловсролын салбарын зардал дунд Ерөнхий сайд Н.Учралын ээжийн нэр дээрх сургуульд 3.5 тэрбум төгрөг төсөвлөсөн байсан нь маргаан дагуулж байгаа. Иймд АН-ынхан Ерөнхий сайд Н.Учралыг АТГ-т шалгуулахаар хандаж гадаа нь очтол Засгийн газрын тэргүүн өөрийн биеэр морилж, тэд хоорондоо халз мөргөлдсөн хэрэг.
Авлигатай тэмцэх газрын даргыг хуулиараа Ерөнхий сайд санал болгож, УИХ-аар хэлэлцэн томилуулдаг. Тэгэхээр эндээс Засгийн газрын тэргүүн өөрийн эрх мэдлийн хүрээнд даргыг нь томилдог байгууллагынхаа үүдэнд яаран сандран очиж, хэвлэлийнхэнд гэнэт мэдээлэл өгөх шалтгаан юу байв гэдэг асуулт эрхгүй урган гарна. Ерөнхий сайд өрөөндөө байна уу, Төрийн ордны гадаа ч юм уу, мэдээлэл хийнэ гэхэд хэвлэлийнхэн яваад л очно. Гэтэл яагаад заавал АТГ-ын үүдэнд очиж “өчиг” тайлбар хэлэх болов.
Албан тушаалын байдлаа урвуулан ашигласан гэм буруугүй бол, шалгуулсан ч илрэх ямар нэг “но”-гүй бол тэгтлээ сандчих хэрэг юу сан билээ. Эсвэл ямар нэг гэм булхайтай болоод өөрийн томилдог эрх бүхий байгууллагынхаа удирдлагад зориуд сүр хүчийг үзүүлэн, нөлөөлөх гэсэн оролдлого байв уу.
2019 оноос хойш өнөөг хүртэл АТГ-ын даргаар ажиллаж буй Зандраагийн Дашдавааг улируулан томилуулах тухай саналыг 2025 оны 03 дугаар сарын 27-ны өдөр тухайн үеийн Ерөнхий сайд Л.Оюун-Эрдэнэ парламентад оруулж, 04 дүгээр сарын 3-ны өдөр хэлэлцэн батлуулсан түүхтэй. Гэвч хүч хэний талд байгаагаас, мөн АТГ-ын даргаар хэн хэнийг тавихаас Монголын улс төрийн олон зүйл шалтгаалах нь нэгэнт тодорхой тул Н.Учрал өнөөдөр зүгээр ч нэг тус газраар “зочлоогүй” биз.
Л.АРГАМЖИН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Огцрох хангалттай үндэслэл
Огцор
shalguulaa
Uvsiin hyrgasiin gantumuriin munhzul eruugiin hulgaich narsnii buus
Uchral barigdanguutaa guij bnaa hahaha archaagui amisgaa yumaa
Огцор
Яасан гэж. Оронд нь оччих санаатай юмнууд
EGUUR uzel bodloo hudaldsan uu, suuliin ued 1 tald uilchilsen aguulgatai medee niitleed baih yum
Учрал өөрөө АТГ дээр давхиж очиж намба алдах ямар хэрэг бнаа. Зүгээр шалгуулах хүсэлт гаргавал болоо бишүү.
Огцор
Ger bulruu dairj harluuldag, hudal medeelel taraadag 1 l buleglel baidag shuu
ХЭН БЭЭ ЭЗЭН БИЕ БА УУУ, ӨӨӨРСДӨӨ Л ХҮСЭЭГҮЙ БАЙХАД МӨНГӨ ӨГЧДДӨГ ГЭЖҮҮҮҮ
Танай сайтыг овоо голыг нь олоод бичдэг юм уу гэж боддог бн гэтэл бас л мөнгөний үнэр авсан бололтой учрыг нь олох гэж эрэн сурвалжлахгүй мэлээлэл өгдөг болжээ