Калининградад амьдардаг 68 настай орос эрэгтэй пүрэв гарагт /2026.09.17/ хил дагуу оршдог Немунас голыг сэлж гатлан Литва руу дүрвэхийг оролджээ. Литвийн хилийн албаны хэвлэлийн төлөөлөгч Гиедрус Мишутис “Euro News” агентлагт хэлэхдээ “Голыг сэлж гаталсан түүнд албанаас хуурай хувцас өгсөн. Түүний туулсан зай, маршрут эсвэл хэр удаа сэлсэн гэх мэт дэлгэрэнгүй мэдээлэл одоо өгөх боломжгүй” гэсэн байна.
Литвийн “Lytras” агентлаг мэдээлснээр тэр эрэгтэй сошиал орчинд бичсэн зүйлийнхээ улмаас хавчлагад өртөнө гэж айсны улмаас дүрвэхээр шийдсэн гэж хилийн албаныханд хэлжээ. Гэвч нөхцөл байдлыг үнэлж, түүний өгсөн мэдээлэлд зөрчил илрэн, Европын холбооны улсад оруулбал тулгарч болох эрсдэлийг бодож үзсэний эцэст түүнийг ОХУ-д хүлээлгэн өгөх шийдвэр гаргасан гэж Мишутис хэлсэн байна. Немунас голыг сэлж гатлан ОХУ-аас Литва руу дүрвэхийг оролдсон тохиолдол ховор. Гэсэн хэдий ч Литвийн хилийн цэрэг тус голыг тогтмол хянадаг аж.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.