Б.Пүрэвдагва сүүлийн 3 сард өөрийгөө сурталчлахын тулд Мета-д ₮9.3 саяыг төлжээ

Б.Пүрэвдагва Хотын даргын үүрэгт ажлаа аваад дөрвөн сарын хугацаа өнгөрч байна. Шөнийн марафоноос өөрөөр сэдсэн шинэ агуулга түүнд байхгүй, дундын бүсийн тоглогчоор ажиллаж буй. Улстөрчид өөрийн ажлаа тайлагнах, таниулахад сошиал талбарыг сайтар ашиглаж хэдийн дадсан. Тэдний адилаар Б.Пүрэвдагва Хотын дарга болмогцоо "Бяруузанын Пүрэвдагва" гэх пэйж хуудсаа нээж байсан бол өдгөө 24 мянган дагагчтай болж.

Өнгөрсөн хугацаанд тэрбээр багагүй өртгийг Мета-д зарцуулжээ. Тухайлан хэлбэл сүүлийн 90 хоногт 2600 доллар буюу Монгол мөнгөнд хөрвүүлбэл ₮9.3 сая төгрөгийг өөрийгөө "бүүстлэхэд" зарцуулсан байна. Энэ нь Улсын дүнгээр нэг ажилтны голч цалинтай харьцуулан үзвэл 3.6 сарынх нь цалинтай тэнцэж байна.

6-7 сард нийт арван контент бүүстлэж, 1000 долларыг төлжээ

Тоочвол,

• Иргэд олон нийт, аж ахуйн нэгж, нийслэлийн шат шатны байгууллагууддаа хандан уриалга гаргаж байна.
• Олон улсын хөрөнгө оруулагчдад хамтран ажиллах санал тавилаа.
• open.ulaanbaatar.mn платформ нээгдлээ.
• Иргэд олон нийт, аж ахуйн нэгж, байгууллагууддаа хандан уриалга гаргаж байна.
• Баяр наадамд оролцохоосоо илүү шуурхай штаб дээрээ байрлаж ажиллана.
• Ногоон нуурын даланг сэргээж, "Бөмбөгөр" орчмыг үерийн эрсдэлээс хамгаална.
• Нийслэлд хэрэгжиж байгаа бүтээн байгуулалтын ажлыг эрчимжүүлэх, инженерийн хангамжийн байгууллагуудын уялдаа холбоог сайжруулах зорилгоор өргөтгөсөн хуралдаан хийлээ
• Стратегийн чухал ач холбогдол бүхий "Туул-1" коллекторын угсралтын 4 дүгээр хэсэгт ажиллалаа.
• Орчин үеийн ухаалаг хотын зарчмаар төлөвлөн бүтээн босгож буй "Smart Selbe city" нь Монгол Улсын үндэсний загвар төсөл юм

...гэх агуулга бүхий контентуудаа өөрийн хувийн пэйж хаягаараа дамжуулахдаа мета-д нэмэлт төлбөр төлсөн байна. Тухайлан хэлбэл контент тус бүрд 100-200 долларыг төлсөн байна.

Наймдугаар сард нийт найман контент бүүстлэж, 1000 долларыг төлжээ

Тоочвол,

• Бизнес эрхлэгчдээ бодлогын төвшинд тууштай дэмжих, Улаанбаатар хотын бизнесийн экосистемийг шинэ шатанд гаргах зорилгоор Сэлбэ ухаалаг хотыг “Технологи, эдийн засгийн тусгай бүс” болгох асуудлыг НИТХ-аар хэлэлцүүлж байна.
• “Хотын дарга сонсож байна” 150-150 тусгай дугаар өнөөдрөөс ажиллаж эхэллээ
• Нийслэлчүүд “Хотын дарга сонсож байна” 150150 тусгай дугаар, [email protected] цахим хаяг руу явуулсан өөрсдийн санал, хүсэлт, гомдолд хэрхэн хариу өгч байгааг https://open.ulaanbaatar.mn цахим хаягт нэвтрэн ил тод нээлттэй харна.
• “Ногоон бүс бол Монгол бүс”. Энэ бүсэд Монгол Улсаа сурталчилан таниулсан өв соёл, танин мэдэхүйн олон төрлийн арга хэмжээ болж байна. Мөн үндэсний үйлдвэрлэгчид, олон улсын болон төрийн бус байгууллагууд өөрсдийн бүтээгдэхүүн, төслүүдээрээ оролцож байгаа юм.
• Баянхошуу, Шархад дэд төвүүдэд Азийн хөгжлийн банк, Уур амьсгалын ногоон сангийн санхүүжилтээр “Улаанбаатар хотын ногоон орон сууц төсөл” хэрэгжиж байна.
• Ойн сан бүхий газарт 11.706 нэгж талбарт газар олгосон байна. Үүнээс иргэдийн зорчих орц, гарцыг хаасан, зөвшөөрөлгүй барилга, хашаа барьсан, мод сүйтгэж барилга барьсан зэрэг зөрчилтэй 407 нэгж талбарын зөвшөөрлийг цуцалж байна.

Дээрх агуулга бүхий контентуудаа өөрийн хувийн пэйж хаягаараа дамжуулахдаа мета-д нэмэлт төлбөр төлсөн байна. Тухайлан хэлбэл контент тус бүрд 100-200 долларыг төлсөн байна.

Есдүгээр сард нийт зургаан контент бүүстлэхдээ 600 долларыг төлжээ

• “Томуугийн эсрэг хамтдаа” аян эхэллээ
• Энэ өвөл агаар орчны чанар, нийтийн тээврийн хүртээмж, эрүүл мэндийн тусламж үйлчилгээг шуурхай хүргэх гэсэн гурван чиглэлд онцгой анхаарч ажиллана.
• Өвлийн хүйтэнд хүүхэд, ахмад настнуудыг автобусны буудал дээр удаан хүлээлгэхгүй байх, ая тухтай зорчих нөхцөлийг бүрдүүлэхэд онцгойлон анхаарч байна. COP 17 бага хурлын үеэр зочдод үзүүлсэн нийтийн тээврийн соёлтой, шуурхай үйлчилгээний жишгийг өдөр тутмын амьдралд хэвшүүлж ажиллахыг холбогдох албан тушаалтнуудад үүрэг болголоо.
• Нийтийн тээвэр очдоггүй бүсэд автобусны 16 шинэ чиглэл нээнэ
• Өвөлжилтийн бэлтгэл ажил болон томуу, томуу төст өвчний дэгдэлтийн үед авах хариу арга хэмжээ, бэлэн байдал, цаг үеийн асуудлаар Баянгол дүүргийн Эрүүл мэндийн төвд ажиллалаа
• Улаанбаатар хотын баруун, зүүн Авто тээврийн шалган нэвтрүүлэх товчоодыг нүүлгэн шилжүүлэх ажлыг 2027 оны төсөвт суулгаж шийдвэрлэнэ гэх утга бүхий контентуудыг өөрийн хаягтаа нийтлэхдээ төлбөр төлсөн байна.

Өөрийн сэтгэгдлээ илэрхийл

Share Tweet