Б.Энх-Амгалан: Зам ХААХ эсэхийг МАРГААШ шийднэ
Өнөөдрийн /2020.02.19/ Засгийн газрын ээлжит хуралдаанаар гаргасан шийдвэрийг Зам тээвэртэй холбоотой шийдвэрийг салбарын сайд Б.Энх-Амгалан танилцууллаа.
Тэрээр “Цагаан сарын битүүн, шинийн 1-3-ны өдрүүдэд иргэдийн хөдөлгөөн нэмэгддэг. Нийт зорчигчдын 90 гаруй хувь нь өөрсдийн хувийн тээврийн хэрэгслээр зорчдог учраас автозамын хөдөлгөөнийг хаах эсэхийг маргааш болох Улсын Онцгой Комиссын хурлаар эцэслэн шийдвэрлэнэ” гэлээ.
-Хот доторх хөдөлгөөнийг хязгаарлах уу?
-Хот доторх хөдөлгөөнийг хязгаарлахгүй.
-Зарим аймгууд дур мэдэн зам хаасан асуудлыг яах вэ?
-Зарим аймаг автозамын хөдөлгөөнөө хязгаарлах захирамж гаргасан ч үүний хэрэгжиж эхлэх хугацааг битүүний өдөр гэж заасан учраас маргааш Улсын Онцгой Комисс хөдөлгөөнийг хязгаарлах шийдвэр гаргавал аймгуудын захирамж хүчинтэй үргэлжилнэ. Хэрэв үгүй бол цуцлагдана.
-Орон нутагт дур мэдэн шийдвэр гаргах эрх нь бий юу?
-Тахал, өвчин гарсан онцгой нөхцөлд аймгийн засаг дарга нар шийдвэр гаргах эрхтэй. Гэхдээ автомашины зам хаах шийдвэрийг салбар хариуцсан сайдтай зөвшилцөх ёстой.
-Шийдвэр гарвал Налайхын зам хаагдах уу?
-Шийдвэр нь гарчихвал ялгаагүй хаагдана.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хот хоорондынх төдийгүй, хотын доторх хөдөлгөөнийг ч хаах хэрэгтэй. Хатуу шийдвэр гаргахгүй бол манайхан ухамсаргүй, бүдүүлэг шүү
ѳвчитѳй ээж дээр очиж чадахгүй юм байн�##�даа үнэхээр хармсаж байна энэ ѳвчин хурдан намдаж монгол улс минь амар амг�##�ан болоосой