20 тэрбумын зузаатгал хийлгүүлсэн Хятадын “Шинжиан Шинфа” компани хэнийх вэ

БНХАУ-ын хөрөнгө оруулалттай “Шинжиан шинфа” гэх ХХК-ийн Төрийн банкнаас 20 тэрбумын зээл авсан асуудалд холбогдуулан хуулийн байгууллага тус банкныханд ял оногдуулсан. Тодруулбал, “Төрийн банк”-ны захирал Д.Баярсайханд ХОЁР жил, гүйцэтгэх захирал Б.Цэндсүрэнд ГУРВАН жил, Эрсдэл хариуцсан дэд захирал Г.Тогтохбаатар 1,6 жил, “Шинжиан шинфа” компаний захирал Сун Гунчен ХОЁР жил, “Шинжиан Шинфа “ компанийН гүйцэтгэх захирал Ц.Энхтунгалаг 1,6 жилийн хорих ялаар тус тус шийтгүүлсэн билээ.

“Шинжиан Шинфа” гэх компани Төрийн банкнаас 20 тэрбум төгрөгийн зузаатгал хийлгүүлсэн гэх хэргийг сөхвөл.

2017 зургадугаар сарын 23-нд буюу Ерөнхийлөгчийн сонгуулийн үеэр Төрийн банкнаас БНХАУ-ын “Шинжиан Шинфа” компанид 20 тэрбум төгрөгийн зээл олгосон явдал гарсан. Уг зээлийг олгохыг зөвшөөрсөн албан бичгийг тухайн үеийн Сангийн сайдаар ажиллаж байсан Б.Чойжилсүрэн Төрийн банканд хүргүүлсэн байдаг.

Тухайн үеийн хуулиар бол Төрийн банкнаас нэг компанид олгох зээлийн дээд хэмжээ 5 тэрбумаас хэтрэхгүй байх журам үйлчилж байв. Гэвч Сангийн сайд нь эл хууль, журмаа өөрөө зөрчин байж эрх мэдлээ давуулан ашигласан байж.

Харин тухайн 20 тэрбум төгрөг Ерөнхийлөгчийн сонгуульд ашиглагдсан гэх дам мэдээллүүд хөвөрдөг. Учир нь Ерөнхийлөгчийн сонгуулиас гурав хоногийн өмнө, ажлын цаг дууссаны дараа зээл гарсан тухай Т.Аюурсайхан гишүүн жиргэж байв.

Төрийн банкны Ерөнхий захирал Д.Баярсайхан асуудал буруудаад ирэхийн цагт, “Банкны тухай хуулиар Сангийн сайд манай Төрийн банкны абсолют ганц эрхтэй хүн. Сангийн сайдаас энэ зээлийг олгож болох уу гэж асуухад албан бичгээр зөвшөөрсөн” гэж мэдүүлсэн байдаг.

-“ШИНЖИАН ШИНФА” ХХК 2008 ОНД УЛСЫН БҮРТГЭЛД
БҮРТГҮҮЛЖ БАЙЖЭЭ-

Сангийн сайдын зөвшөөрлөөр 20 тэрбумын зээл авч чадсан “Шинжиан Шинфа” нь ямар компани бэ. Жилийн гаруйн өмнө зарим хэвлэлд тус компанийг БНХАУ-ын хөрөнгө оруулалттай Баян-Өлгий аймгийн нэгэн иргэний нэр дээр байдаг замын компани хэмээн тодотгожээ.

Гэвч Улсын бүртгэлд хэзээ хэрхэн бүртгүүлснийг нь үзвэл, хамгийн анх 2008 онд Улсын бүртгэлд Сун ГуангЧен (Sun GuangChen) гэх гүйцэтгэх захиралтай “барилгын засвар, засал чимэглэлийн чиглэл”-ээр үйл ажиллагаа явуулах чиглэлтэйгээр бүртгүүлж байжээ. Улмаар 2017 оны аравдугаар сарын 23-нд “Си Вай Си Кэй” гэх ХХК Сан ГуанЧенийн хамтаар хувьцаа эзэмшигчээр бүртгүүлжээ.

Тус “Си Вай Си Кэй” гэх ХХК нь Хуулийн этгээдийн улсын бүртгэлийн мэдээлэлд 2014 оны аравдугаар сарын 13-ны өдөр Ву ЗенЖун (Wu ZhenJun) гүйцэтгэх захиралтайгаар бүртгүүлсэн байна. Тус компанийн хувьцаа эзэмшигч ӨМӨЗО-ны Чи Ян Чунь, Барилгын материал, тоног, төхөөрөмжийн компани хэмээн бүртгүүлжээ. Ингэхдээ 2014 оны аравдугаар сарын 13-нд үйл ажиллагааныхаа чиглэлээ

• -Уул уурхай, тоног төхөөрөмж, сэлбэгний худалдаа
• -Барилгын материалын худалдаа
• -Гадаад худалдаа хэмээн тус тус бүртгүүлсэн бол
• 2017 оны наймдугаар сарын 01-нд Барилгын материалын үйлдвэрлэл 3.4.7-д заасан заалтын дагуу \2017.07.16-2022.07.16\ хэмээн бүртгэгджээ.

Тус компани

• -2012-2015 оны хооронд Улаангом-Хяргас нуур /100 км/ чиглэлийн авто замын барилгын ажлыг хийж гүйцэтгэснийг улсын комисс хүлээн авсан байдаг.
• -2016 он гэхэд 5,572 км авто замыг шинээр барьж авто замын сүлжээг нэмэгдүүлэх зорилтын хүрээнд Шинжиан шинфа компани Алтай-Баянхонгор /128 км/,
• -Улаангом-Наранбулаг /90 км/,
• -Баянхонгор-Алтай чиглэлийн авто зам 128 км
• -Гадаадаас авах ажиллах хүч, мэргэжилтэнд Монгол Улсад 2018 онд хөдөмөр эрхлэх зөвшөөрөл олгох аж ахуй нэгж байгууллагын жагсаалтад багтсанаар- Засгийн газартай байгуулсан концессын гэрээний дагуу Дашинчилэн-Орхоны гүүр чиглэлийн замаас Өлзийт сум, Өлзийт сумаас Мөрөн-Тариалан чиглэлийн замын төгсгөлийг холбох 120 км хатуу хучилттай зам
• -2015 оны гуравдугаар сарын 13-ны өдөр Сонгино сум-Хяргас нуурын зүүн хаяа чиглэлийн 135.5 км хатуу хучилттай автозам барих, шилжүүлэх

зэрэг төрийн ажлуудыг гүйцэтгэж байжээ.

Энэ мэдээнд өгөх таны үнэлгээ

Хуваалцаарай Жиргээрэй