ЭДИЙН ЗАСАГ

Голомт банк ОХУ-ын Сбербанктай Мэдээллийн Технологи, Дижитал банкны чиглэлээр хамтран ажиллана

Голомт банк ОХУ-ын Сбербанктай мэдээллийн технологи болон дижитал банкны чиглэлээр хамтран ажиллах гэрээг өнгөрөгч сарын 20-ны өдөр Москва хотноо байгуулан хамтын ажиллагаагаа өргөжүүллээ. Тус гэрээнд Голомт банкны гүйцэтгэх захирал Норихико Като, Сбербанкны Санхүүгийн байгууллагын захирал Ольга Клячко нар гарын үсэг зурсан юм. Уг гэрээний хүрээнд тус хоёр банк дижитал шилжилт, дата аналитик, төлбөр тооцоо, кибер болон мэдээллийн аюулгүй байдал зэрэг чиглэлээр харилцан туршлага солилцон, мэдээллийн технологийн төслүүдийг хэрэгжүүлэхээр болжээ.  

ОХУ болон Зүүн Европтоо хамгийн томд тооцогдох Сбербанкны хувьд 2020 он гэхэд санхүүгийн үйлчилгээ үзүүлдэг мэдээллийн технологид бүрэн суурилсан компани болохоор зорьж байгаа төдийгүй мэдээллийн технологийн төслүүдэд их хэмжээний хөрөнгө оруулалт хийгээд байгаа юм. Тус банкны бүтээгдэхүүн үйлчилгээ нь орчин үеийн хамгийн шинэлэг технологид суурилсан бөгөөд банкны салбар төдийгүй эрүүл мэндийн салбарыг хамарсан өргөн үйлчилгээг хэрэглэгчдэдээ хүргэдэг байна.

Системийн нөлөө бүхий, дижитал банкны үйлчилгээгээр тэргүүлэгч банкны хувьд Голомт банк байр сууриа улам бэхжүүлж, мэдээллийн технологийн салбарт мэргэшсэн Сбербанктай хамтран ажиллах болсон нь дэлхийн хэмжээний туршлага солилцох чухал алхам болж байна.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x