Өнөөдөр /2020.03.18/ ЭМЯ-наас цаг үеийн асуудлаар мэдээлэл хийлээ. Энэ үеэр ХӨСҮТ-ийн захирал Д.Нямхүү түргэвчилсэн оношлуураар нэг иргэнээс шинэ коронавирусийн халдвар илэрсэн талаар ярилаа.
Тэрбээр, "Энэ хүн Берлин-Москва-Улаанбаатар чиглэлийн тусгай үүргийн онгоцоор эх орондоо ирсэн монгол иргэн. Түргэвчилсэн оношлуур ашигласан. Төв лабораторийн шинжилгээ хараахан гараагүй гэдгийг анхаарах хэрэгтэй” гэв.
Хэрэв лабораторийн шинжилгээний хариу эерэг гарвал Монгол Улс дахь шинэ коронавирусийн тохиолдол зургаа болж нэмэгдэх юм.
Түүнчлэн, "Өчигдөр буюу энэ сарын 17-ны өдөр дөрвөн хүнийг сэжигтэй тохиолдолд тооцон тусгаарласан. Шинжилгээний хариу гараагүй байна.
Франц иргэний биеийн байдал сайн байгаа. Харин Берлин-Москва-Улаанбаатар чиглэлийн онгоцоор ирж, халдвартай нь тогтоогдсон иргэний бие хүндэвтэр байна” хэмээсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.