НИЙГЭМ

“Дөрөвдүгээр сарын 17-ныг хүртэл Шенгенийн бүст гадаад улсын иргэдийг нэвтрүүлэхгүй”

Европын Холбооны гишүүн улсуудын тэргүүн нар хуралдаж, 2020 оны гуравдугаар сарын 17-ноос 30 хоногийн хугацаанд Шенгенийн бүсийн хилээр иргэдийн зорчих хөдөлгөөнийг түр зогсоохоор шийдвэрлэв.

Шенгенийн бүс нутагт Австри, Бельги, Дани, Герман, Грек, Исланд, Испани, Итали, Латви, Литва, Лихтенштейн, Люксембург, Мальта, Нидерланд, Норвеги, Польш, Португал, Словак, Словени, Унгар, Финланд, Франц, Чех, Швед, Швейцар, Эстони багтдаг.

Монгол Улсын иргэдийн хувьд Европын Холбооны гишүүн улсад байнгын оршин суух зөвшөөрөлтэй бол уг шийдвэр хамаарахгүй. Харин богино хугацааны визээр зорчих бол дөрөвдүгээр сарын 17-ныг хүртэл Шенгенийн бүст гадаад улсын иргэдийг нэвтрүүлэхгүй аж.

Энэ хугацаанд бараа, ачаа тээвэрлэлт хэвийн үргэлжилнэ. Шаардлагатай тохиолдолд уг хугацааг сунгах магадлалтай байна.

Шенгенийн бүсийн гишүүн улсууд өөрсдийн дотоодын хилийн хяналтыг сэргээсэн тул Шенгенийн бүс дотор зорчихдоо иргэн Та өөрийн оршин сууж байгаа улсын Засгийн газраас гаргасан мэдээллийн талаар өөрт ойр байгаа Монгол Улсын Элчин сайдын яамнаас мэдээлэл авна уу.

ЭХ СУРВАЛЖ: Гадаад харилцааны яам

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x