Испанийн дуурийн дуучин Пласидо Доминго коронавирусийн халдвар авсан гэдгээ мэдэгджээ.
Тэрээр фейсбүүк хуудсаараа дамжуулан “Би иргэний үүргээ ухамсарлаж, халдвар авсан тухайгаа та бүхэнд мэдээлж байна. Манай гэр бүлийнхэн ч мөн өөрсдийгөө тусгаарласан. Бид бүгд хүчээ нэгтгэн энэ вирустэй тэмцэж, дэлхий дахинд үүсээд буй хямралыг зогсоож чадна. Тиймээс нөхцөл байдал тун удахгүй хэвийн болно гэдэгт итгэх хэрэгтэй” гэжээ.
Өдгөө 79 настай П.Доминго халуурч, ханиалгах шинж тэмдэг илэрсний дараа шинжилгээ өгсөн байна. Одоогийн байдлаар түүний биеийн байдал тогтвортой байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.