Өчигдрийн байдлаар АНУ-д коронавирусийн халдвар батлагдсан тоо 82,404 хүрсэн нь анхлан халдвар дэгдсэн БНХАУ-г давсан муу үзүүлэлт болжээ.
БНХАУ-д батлагдсан халдварын нийт тоо 81,782 хүрсэн бол Итали Улсад 80,589 хүрээд байна. Итали улс мөн удахгүй илэрсэн халдварын тоогоор Хятад улсыг гүйцэж түрүүлэх нь тодорхой болжээ.
АНУ-д өчигдрийн байдлаар “COVID-19” өвчний улмаас нас барсан хүний тоо 1,100 гарсан байна.
Өчигдөр Цагаан ордонд болсон хэвлэлийн хурлын үеэр Трамп энэ талаар “Хятадад яг хэдэн хүн халдвар авсныг та нар мэдэхгүй шүү дээ” гэж хэлсэн байна. Одоогийн байдлаар АНУ-ын 21 муж коронавирусийн тархалтыг сааруулах зорилгоор иргэдээ хөл хорионы дэглэмд шилжүүлээд байгаа аж.
ЭХ СУРВАЛЖ: bbc.com
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.