Бразил Улсад коронавирусийн халдвар эрчимтэй тархаж буйгаас нас барагсдыг оршуулах газаргүй болжээ.
Улмаар Сан-Паулу хотын оршуулах газарт гурваас дээш жилийн өмнө нутаглуулсан хүмүүсийн шарилыг ухан гаргаж, зайчилж эхэлсэн байна. Шинээр нас барсан хүмүүсийг оршуулахад зай гаргахын тулд өмнө нь нас барагсдын шарилыг дугаарласан уутанд хийж, тусгай контейнерт түр хугацаагаар хадгалах гэнэ.
Сан-Паулу хотын дарга Бруно Ковачийн заавраар бизнесүүдийг энэ долоо хоногт нээж эхэлснээр халдварын тархалт огцом нэмэгдэж, эрчимт эмчилгээний орны 70 хувьд халдвар авсан өвчтөнүүд хэвтжээ.
Өнөөдрийн байдлаар Бразил Улсад халдварын тохиолдол 868 мянга бүртгэгдсэнээс 43.389 хүн нас бараад байна.
Б.УЧРАЛ
ЭХ СУРВАЛЖ: apnews.com
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.