ЭМЯ-наас ээлжит мэдээллээ хийлээ. Монгол Улс дахь нөхцөл байдлын талаар ХӨСҮТ-ийн захирал Д.Нямхүү мэдээллэв.
Тэрээр, долдугаар сарын 04-нд нийт 55 хүнд шинжилгээ хийхэд коронавирусийн халдвар илрээгүй. ХӨСҮТ-д тусгаарлагдаж байгаа 12 хүнд шинжилгээ хийхэд илрээгүй. Өнөөдөр хоёр хүн эдгэрч дараагийн шатны хяналт руу шилжлээ. Эдгэрсэн хоёр хүний нэг нь 22 настай эрэгтэй, оюутан 49 хоног эмчлэгдсэн бол нөгөөх нь 32 настай ачаа тээврийн жолооч. Манайд батлагдсан 220 тохиолдлын 185 нь бүрэн эдгэрч эмнэлгээс гараад байна. Одоо 35 хүн эмчилгээнд байгаа. Нэг жирэмсэн эх, 6, 12 насны хоёр хүүхэд эмчлүүлж байна. Өчигдөр /2020.07.04/19.00 цагт Токио-УБ онгоцор ирсэн 262 хүний шинжилгээний хариу маргааш гарна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.