Афганистан: Талибанчууд хоолноос болж залуу эмэгтэйг амьдаар нь шатаажээ

Хүний эрхийн төлөө тэмцэгч Нажла Аюби “Sky News” телевизийн шууд нэвтрүүлэгт оролцох үеэрээ “Талибан” хөдөлгөөний дайчид тэдэнд үдийн хоол хийж өгсөн залуу эмэгтэйг хэрцгийгээр хөнөөсөн талаар ярьсан байна. Энэ талаар “Нью-Йорк Пост” /The New York Post/ мэдээлэв.

Аюби хэлэхдээ, Талибанчуудад эмэгтэйн бэлтгэсэн хоол таалагдаагүй гэнэ. Үүнийх нь хариуд тэд эмэгтэйг зэрлэгээр зодож, эцэст нь амьдаар нь шатаасан бас нэгэн аймшигт хэрэг үйлджээ.

“Талибан” хөдөлгөөнийхний эмэгтэйчүүдийн эсрэг үйлдэж буй харгислал, яргалал үйлдсэн болохыг нотлох баримт сэлтийг цуглуулж байгаа аж. Харин, энэ аймшигт хэрэг чухам хэзээ болсныг хүний ​​эрхийн төлөө тэмцэгч тодруулсангүй.

“Талибан” хөдөлгөөний төлөөлөгчид Афганистаны шинэ Засгийн газар тус улсын хүн амын олон янз байдлыг харгалзан үзэж, тэр дундаа эмэгтэйчүүдийг ялгаварлан гадуурхахгүй гэж амласан гэдгийг бид мартах ёсгүй. Тэднээс энэ амлалтынх нь хариуцлагыг нэхэх ёстой.

(Эх сурвалж: mignews)

Энэ мэдээнд өгөх таны үнэлгээ

Хуваалцаарай Жиргээрэй