Яамгүй ажиллах сайд нарын тоог нэмж, ЗГ-ын шинэ бүтцийг батална

Үндсэн хуулийн 39.1 дэх заалтын хоёр дахь өгүүлбэрийг өчигдрийн УИХ-ын чуулганы хуралдаанаар хассан. Өөрөөр хэлбэл Үндсэн хуульд нэг өгүүлбэр хасах хэлбэрээр нэмэлт өөрчлөлт хийсэн. Ингэснээр “давхар дээл”-тэй сайд нарыг дөрвөөр хязгаарласан квот арилсан юм.

Улмаар Засгийн газрын бүтцэд өөрчлөлт орж, зарим УИХ-ын гишүүд сайд болон “давхар дээл” өмсөх процесс хуулийн хүрээнд өрнөж эхэлж буй.

Тэгвэл өнөөдөр ТББХ, УИХ-ын чуулган хуралдаж, Засгийн газрын бүтцийн тухай хуульд нэмэлт өөрчлөлт оруулах чигтэй байна. Учир нь Л.Оюун-Эрдэнийн Засгийн газар яамгүй сайд нараар бүтцээ тэлэх тухай яригдаж байгаа.

Тодруулбал:

• Хот хариуцсан сайд
• Тэргүүн дэд Шадар сайд
• Боомтын асуудал хариуцсан сайд
• Худалдааны асуудал хариуцсан сайд

Эдгээрээс эхний хоёр сайдыг Засгийн газрын бүтцийн тухай хуульд нэмэлт өөрчлөлт оруулах замаар шийдье гэж тохирсон.

Нөгөө хоёр нь "Шинэ сэргэлтийн бодлого"-ын хүрээнд гадна, дотно асуудлаа ярихад чадамжтай байх үүднээс нэн шаардлагатай буй. Тэгсэн хэдий ч бусад сайд нарын чиг үүрэгт хуулиар нэмж өгөхөөр ярилцсан гэгдсэн. Тэгэхээр "18+яамгүй" сайд гэсэн бүтэц явах чигтэй байна. Гэхдээ дээрх хувилбарууд одоо ч МАН-ын удирдлагын түвшинд эцэслэгдээгүй яригдсаар байгаа юм.

Харин хэн хэнд “давхар дээл” өмсгөж, хэнийг тэнхмээс чөлөөлөх нь МАН-ын УЗ, яг хуулиараа бол Ерөнхий сайдын бүрэн эрхийн асуудал болчхоод буй.

Иймд өнөөдрийн хувьд Засгийн газрын шинэчилсэн бүтцийг батлаад, дараа нь МАН-ын Удирдах зөвлөл хуралдаж, сайд нарын халаа сэлгээг хэлэлцэх чигтэй. Гэхдээ Удирдах зөвлөл өнөөдөр хуралдах эсэх нь тодорхойгүй байна.

Засгийн газрын бүтцийн талаарх өмнөх прогноз:

ХӨШИГНИЙ АРД: У.Хүрэлсүх ТАВ, Д.Амарбаясгалан НЭГ сайд хүсэж, Л.Оюун-Эрдэнэ шинээр 11 томилгоо хийхээр зэхжээ контентыг ЭНД ДАРЖ уншина уу.

Энэ мэдээнд өгөх таны үнэлгээ

Хуваалцаарай Жиргээрэй