Ж.Сүхбаатар: Унадаг дугуйг эрхэмлэж, нийтийн тээврээ шүтвэл зорчигч зонхилсон хоттой болж чадна

“Түгжрэлийн эсрэг нийтээрээ” хэлэлцүүлгийг Түгжрэлийг бууруулах үндэсний хорооны дарга Ж.Сүхбаатар, Улаанбаатар хотын захирагч Д.Сумъяабазар тэргүүтэй албаныхан оролцжээ. Мөн олон нийтийн төлөөллөөр “Моод” нэвтрүүлгийн продюсер Б.Болд оролцсон байна.

Түгжрэлийг бууруулах үндэсний хорооны дарга Ж.Сүхбаатар “Автозамын нэгдүгээр эгнээг бүтэн чөлөөлж, хяналтдаа авах шаардлагатай. Зам, гүүр барих нь дэд бүтцийн ажил юм. Нийслэлийн удирдлагууд энэ чиглэлээр хэд хэдэн ажлыг эхлүүлсэн. Агаарын бохирдол, түгжрэлийн улмаас нийслэлд оршин сууж буй 1.6 сая хүн адилхан зовж байна. Улаанбаатар хот жолооч зонхилсон хот болсон. Жолоочоос зорчигч зонхилсон хот болох ёстой. Явган зорчигчоо дээдэлж, унадаг дугуйгаа эрхэмлэдэг, нийтийн тээврийн үйлчилгээг шүтдэг байвал бид зорчигч зонхилсон хоттой болж чадна. Замын хөдөлгөөний ухаалаг системийн ажлыг эрчимжүүлж, энэ жилийн сүүлээр, ирэх оны эхээр энэ ажлыг нэвтрүүлэхээр төлөвлөсөн” гэв.

Нийслэлийн зарим бүтээн байгуулалтыг гүйцэтгэгч компани нь урьдчилгаа авалгүй өөрсдийн хөрөнгөөр ажлаа эхлүүлжээ. Тэгэхээр төсөв багасвал бүтээн байгуулалтын ажлууд зогсох юм. Энэ талаар Улаанбаатар хотын захирагч Д.Сумъяабазар “Хотын төсвийг жил бүр 420 тэрбумаас бууруулахгүй байх Засгийн газрын. Тогтол гарсан. Цаашид хөрөнгийн бусад эх үүсвэрийн боломжийг босгохоор ажиллаж байна” гэлээ.

“Моод” нэвтрүүлгийн продюсер Б.Болд “Дэлхийн олон хотууд машинд зориулсан шийдэл гаргаснаар алдсанаа ойлгож, хурдны зам, гүүрээ нурааж, өргөн замаа нарийсгасан жишээ олон. Улмаар явган зорчигчийн замаа нэмж, амрах, зугаалах боломжтой газруудыг байгуулснаар түгжрэл нь буурсан байдаг. Манай улс ч машинд зориулсан шийдлээ багасгаж, машинаасаа бууж, тухтай алхахад зориулсан ажлуудыг хийвэл түгжрэлийг бууруулж чадна” хэмээн саналаа хуваалцав.

Энэ мэдээнд өгөх таны үнэлгээ

Хуваалцаарай Жиргээрэй