ХЗДХ-ийн сайд Х.Нямбаатарын хэлсэн онцлох эшлэлүүд

Гадаадын хөрөнгө оруулагчыг тонож, дээрэмдэх үйл ажиллагаанд эрх мэдэл бүхий хүмүүс, хууль хүчний байгууллагынхан оролцож, хэргийг нуун дарагдуулж буйг ХЗДХ-ийн сайд Х.Нямбаатар нээлттэй зарлаж, олон нийтэд мэдээллээ. Энэ үеэрх онцлох эшлэлүүдийг түүвэрлэн хүргэе.

• Улсын хэмжээнд шийдвэр гарсан, гүйцэтгэх хуудасны 40 хувь нь хэрэгжих боломжгүй. Шалтгаан нь төлбөрийн чадваргүй болсон хэргүүдэд шүүхийн шийдвэр гардагтай холбоотой.
• Иргэний шийдвэр гүйцэтгэх ажиллагааны урамшууллыг хассан. Улмаар бага үнийн дүнтэй шийдвэр гүйцэтгэх ажиллагааг явуулж, тоон дүнгээ нэмж, тайлагнадаг. Их дүнийн дүнтэй хэргүүд нь шүүхэд очоод гацаж байна.
• Шийдвэр гүйцэтгэх байгууллагын бүтцийн өөрчлөлтийг хийх шаардлагатай.
• Монгол Улсын Засгийн газар гадаадын хөрөнгө оруулагчдын эрх ашгийг хамгаалах чиглэлээр ажиллаж байгаа гэх имижийг бүрдүүлэх ёстой.
• Бид гаднын иргэдэд Монгол Улсын Шүүхийн тогтолцоонд хэрэг маргааныг шийдвэрлэхийн тулд олон жилийг зарцуулдаг, гарсан шийдвэр нь хэрэгждэггүй гэх үнэлэмжтэй байгаа.
• Бид ирэх жилийн гуравдугаар сард Олон улсын санхүүгийн хориг арга хэмжээ авдаг байгууллага ФАТФ-ийн өмнө тайлангаа тавина. Их Британи улс манай улсад ямар үнэлгээ өгөх нь Макс Жонсоны хэргээс харагдана.
• Би Мөнгө угаах, терроризмтой тэмцэх хороог ахалдаг. 2020 оны аравдугаар сард манай улс саарал жагсаалтаас гарсан. Бид холбогдох улсуудын элчин сайдын яамдад бөхийж зогсож байж саарал жагсаалтаас гарсан юм.
• Д.Буянтогтохын хэргийн үеэр түүний хилийн хоригийг авч АНУ руу зугтаалгасан. Дараа нь хилийн хоригийг тавьсан юм. Хэнийг доромжилж байгаа юм бэ. Ийм тогтолцоо дэлхий дахинаа байхгүй.
• Монгол Улсад хэн итгэж хөрөнгө оруулах юм бэ. Гаднын хөрөнгө оруулалтгүйгээр хөгжсөн ямар улс байна вэ. Булангийн улс хүртэл гаднын хөрөнгө оруулалтаар хөгжсөн.
• БНХАУ-ын дундаж хотын төсвөөс бага улсын төсвөө захиран зарцуулахын тулд улс орон даяараа хэрэлдэж байна.
• Би хаагдсан болон хэрэгсэхгүй болсон хэргүүдийг дахин сэргээж, шалгах албан бичгийг Прокурорын байгууллагад хүргүүлэхээр бичгээ бэлдэж байгаа.
• Дотоодын хөрнгө оруулагчдаа хэрхэн дээрэмдсэн жагсаалтыг тодорхой хугацааны дараа гаргаж, олон нийтэд танилцуулна.
• Надад нэр устай дарамт байхгүй. No Caller ID гэх нэртэй дарамт л ирж байна.
• Хэргийн хохирогч япончууд болон тэдний гэр бүлээс зарим хүмүүс уучлал гуйх ёстой.
• Та нар миний зовлонг ойлго. Би хэргүүдийн талаар өнөөдөр тайлбарлахын тулд өчигдөр орой хүртэл холбогдох байгууллагынхантай уулзсан.
• Иргэний хэрэг шүүхэд хянан шийдвэрлэх үйл ажиллагаанд хэдэн хэрэг алга болсон, яагаад хоёр зөрүүтэй шийдвэр гарсан мэдээллийг Шүүхийн ерөнхий зөвлөлөөс гаргаж өгнө.
• Би ерөөсөө шантааж хийгээгүй.
• Монголын шүүх ялзарсан талаар хамгийн анх дугарсан хүн нь би.

Энэ мэдээнд өгөх таны үнэлгээ

Хуваалцаарай Жиргээрэй