Баримтат киноны олон улсын томоохон наадмуудын нэг болох FIPADOC наадмыг 1987 оноос тасралтгүй зохион байгуулж буй. Өнөө жилийн наадам өнгөрсөн нэгдүгээр сарын 20-28-нд Францын Биарриц хотод болж өндөрлөжээ. Тус наадамд гэрэл зурагчин, кино найруулагч Хамид Сардар, байгаль хамгаалагч Ж.Төмөрсүх нарын хамтран бүтээсэн “Mongolie, la vallee des ours” буюу “Монгол: Баавгайн хөндий” баримтат кино тэргүүлжээ. Эл кинонд Монголын хойд нутгийн хөвч тайга, ан амьтад, нутгийн иргэдийн зан заншил, ахуй амьдралыг харуулсан бөгөөд киног бүтээхдээ багийнхан хоёр сарын турш Хөвсгөлийн Улаан тайгын байгаль хамгаалагчдыг дагаж зураг авсан байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.