Өмнөговь аймаг Ёслол хүндэтгэлийн өргөө барихаар 100 сая төгрөгийн тендер зарлажээ

Өмнөговь аймгийн Манлай сумын засаг даргын тамгын газраас 100 сая төгрөгөөр Ёслол хүндэтгэлийн өргөө байгуулах тендер зарлажээ.

Тус тендерт оролцогчид өнөөдөр 14.30 цагаас хүсэлтээ ирүүлж эхлэх юм.

Уг байгууламжийн техникийн нөхцөлийг Тамгын гарын дарга Т.Бат-Энх баталжээ. Тэгвэл тус сумын Ёслол хүндэтгэлийн өргөөг дараах байдлаар зурагласан байна.

НЭГДҮГЭЭРТ. Найман ханатай гэр

Найман ханатай гэр нэг ширхэг байх бөгөөд хаалга, тооно, унь, бүрэн сийлбэртэй, баганагүй, гэрийн бүрээсийг эсгийнээс өөр материалаар хийсэн байх шаардлагатай ажээ. Мөн гадна болон дотор цагаан бүрээстэй байх аж.

ХОЁРДУГААРТ. Байшин

Байшин нь 100 ам.дөрвөлжин талбайгаас багагүй хэмжээтэй бөгөөд найман ханатай гэр багтах хэмжээтэй байх шаардлагатай ажээ. Мөн тоосгон ханатай, 3 метрээс багагүй өндөртэй, 150х180 хэмжээтэй 14 ширхгээс цөөнгүй цонхтой байх юм байна.

Мөн,

• гурван ам.дөрвөлжин хэмжээтэй нэг ширхэг хаалга
• хоёр ам.дөрвөлжин хэмжээтэй нэг ширхэг хаалга
• нурууны өндөр таван метрээс багагүй байх ажээ.

Байшин болон гэр доторх гэрэлтүүлэг сайн байх шаардлагыг тус тус тавьсан байна.

Тендерийн талаарх дэлгэрэнгүйг ЭНД дарж харна уу.

Энэ мэдээнд өгөх таны үнэлгээ

Хуваалцаарай Жиргээрэй