Орон нутгийн жижиг "Тавантолгой" ХК, "Эрдэнэс Тавантолгой" ХК-ийн тусгай зөвшөөрлийн талбайгаас 340.1 мянган тонн нүүрс олборлосон байдаг. Үүний 126.5 мянган тонн нь коксжих, 201.8 мянган тонн нь эрчим хүчний нүүрс, 11.7 мянган тонн нь сааж нүүрс.
340.1 мянган тонн нүүрснээсээ 69.4 мянган тонн коксжих нүүрсийг л өгөөд байсан бол цаана нь 270.7 мянган тонн нүүрсний өртэй байсан билээ. Улмаар 48 тэрбум төгрөгийг өгч өр төлбөрөө хаасан. "Ажнай" Д.Бат-Эрдэнэ мөргөцөг олборлосноо хүлээн зөвшөөрөөд өрөө төлчихсөн гэсэн үг.
Гэвч хоёр компанийн хооронд үүссэн асуудал дуусаагүй байна.
Одоо ЭТТ-н уурхайн амны урд талд жижиг "Тавантолгой" ХК овоолго үүсгэж орхисон ч, авахгүй удаж байгаа аж. "Эрдэнэс Тавантолгой" овоолго доорх нүүрсээ олборлох хүсэлтэй тул зөөх шаардлага тавьсан байна.
Эл овоолгын хэмжээ 6 сая метр3 гэдэг мэдээлэл бий. Нэг метр3 зөөх үнэ ханш ойролцоогоор 8920 төгрөг. Тэгэхээр 6 сая метр3 шороог зөөхөд 53 тэрбум төгрөг шаардлагатай гэсэн үг. "Тавантолгой" ХК ийм хэмжээний хөрөнгө мөнгө гаргаад зөөх арга хэмжээ авч чадахгүй удаж байгаа нь энэхүү мөнгө хөрөнгөтэй холбоотой болж таарах нь.
Өмнө нь бид Ерөнхийлөгчийн сонгуулийн өмнө мөргөцөг олборлосон гэх Д.Бат-Эрдэнэ ба түүний нөхөд хэн бэ нийтлэлийг хүргэж байсныг ЭНД дарж уншина уу.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хувьцаат компаний түүн дотроо гүйцэтгэх удирдлагын хүлээх хариуцлагыг нэг хувьцаа эзэмшигч рүү нь чиглүүлээд байдаг нь ердийн биш өөр зорилготой ажиллагаа гэдгийг илтгээд бна
Урнаа охин минь хүний мөнгийг хүн тоолдоггүй, эзэн нь өөрөө тоолдог юм. Өөрөө мөнгөгүй хүн л хүний мөнгө тоолох гээд байдгиймдаа !!!