Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойн Үндэсний их баяр наадмыг “Эв мөнхийн тусгаар Монгол” нэрийн дор зохион байгуулж байна.
Тэгвэл нээлтийн ёслолыг дараах байдлаар хийх ажээ. Эвийн хүчээр мөнхөд тусгаар Монгол Улс оршихыг бэлгэдсэн нээлтийн ёслолд өнгөрсөн, одоо, ирээдүй гурван цагийн намтар түүх, Монголчуудын үнэт өв, нэгдмэл оюун санаа, эв нэгдэл, эрх чөлөө, түүхэн хөгжлийг орчин цагийн урлагийн бүхий л төрөл, хэлбэрээр дамжуулан нийт зургаан бүлгийн хүрээнд бүтээлчээр илэрхийлэн үзүүлэх ажээ.
Нээлтийн үйл ажиллагааны онцлогуудаас дурдвал:
- Орчин үеийн технологийн шийдлийг ашиглан шаардлагатай бүхий л мэдээлэл, тусламж, үйлчилгээг авах боломжтой баяр наадмын виртуал хөтөч
- Бодит орчинд хийсвэр элементүүдийг нэмж харуулдаг AR технологийн тусламжтайгаар наадмын нээлтийн шууд дамжуулалтыг шинэлэг байдлаар үзэх боломж
- Монгол түмний сүр, хүч, хийморь, зоригийг бадраах эрчит 120 морьтны үзүүлбэр
- Бүжгийн урлагийн бүх төрлүүдийг багтаасан сонирхолтой, шинэлэг бүжгийн найруулга
- Шинэ залуу уран бүтээлчдийн үзүүлбэрүүдийг багтааж үе үеийн үзэгч, наадамчдад сонирхолтой, хүртээмжтэй байхыг зорин ажиллаж байгаа аж.
Хаалтын үйл ажиллагааны тухай:
Харин наадмын хаалтын үйл ажиллагааг энэ сарын 12-ны өдрийн 21.00 цагаас буюу үзүүр, түрүүний бөхийн шагналыг гардуулсны дараа, есөн хөлт цагаан тугийг Төрийн ордон руу залах ёслолоор эхлэх ажээ.
Хаалтын үйл ажиллагаанд
- "Номин талст" хамтлагийн дуучин А.Хаянхярваа
- "S4" хамтлаг
- "Sweetymotion" хамтлаг
- хөгжмийн зохиолч Б.Чинбат
- Н.Халиун
- гитарчин Өөжгий
- Том Жагаа буюу Г.Жаргалсайхан нарын Монгол эх орноо магтан дуулсан урлагийн үзүүлбэр болон дрон шоу, ёслолын буудлагыг зохион байгуулах юм байна.
Наадмын нээлт, хаалтын ёслолын үйл ажиллагаанд мэргэжлийн урлагийн байгууллагууд болон чөлөөт уран бүтээлчид, хувийн студи, продакшнуудын хамтарсан 1500 орчим уран бүтээлчид оролцох юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
наадмын стадионоо дээвэртэй болгомоор байна. Иргэд ба урлагийнхан бороонд норж, наранд х�##�ахгүй байв�##� зүгээрсэн