Ц.Анандбазарын авлигын үзүүр дэх томчуул Т.Бадамжунайг гэрт нь амраав уу

Хаа холын Филиппин улсаас он удаан жил эх орноосоо дүрвэсэн Т.Бадамжунайг аль дөрөвдүгээр сард авч ирсэн ч, суллаад бараг сар гаруй болох гэж байна.

Т.Бадамжунайн хэргийг мөрдөгч нь шүүхэд шилжүүлэх хүсэлтэйгээр прокурорын байгууллагад хүргүүлчхээд байгаа. Нэг ёсондоо мөрдөн байцаалтын үеэр энэ хүн гэм буруутай байна гэж үзсэн. Энэ саналыг прокурор шалгаж үзээд цааш нь эрүүгийн шүүх рүү шилжүүлэх эсэх нь тодорхойлогдох шатандаа яваа. Үүнд, мэдээж тодорхой хэмжээний хугацаа орно.

Гэхдээ үндэсний их баяр наадмын өдөр түүнийг сулласнаар өдгөө тэр гэртээ гэдсээ илээд хэвтэж буй.

Хамгийн сүүлд УИХ-ын гишүүн Ц.Анандбазарыг 50 мянган ам.долларыг сайд асан Т.Бадамжунайд өгч, авлигадсан үндэслэлээр буруутган, шалгаж эхэлсэн.

Бүтэн дөрвөн сар хоригдсон Т.Бадамжунайн амнаас зөвхөн Ц.Анандбазарын нэр гарсан уу гэдэг нь анхаарал татдаг.

Нэгдүгээрт: 2018 онд ОУ-ын нисэх онгоцны шинэ буудлын шатахуун хангамжийн байгууламжийн менежментийг хэрэгжүүлэгч төслийн гүйцэтгэгчээр ажиллаж байхдаа өөрийн ашиг сонирхлын үүднээс хахууль зуучилсан гэх асуудал.

Ц.Анандбазарын гол бизнесийн нэг шатахууны шахаа. Түүнийг “Эрдэнэт үйлдвэр”-ээс эхлээд Монголын нийт агаарын тээврийн компаниудад монополь байдлаар шатахуун шахаж ирснийг улсаараа мэднэ. Гэхдээ энд анхаарал татах нэг асуудал бий. Тодруулбал,

Тэрбээр “Мэргэ ван” компаниараа Шинэ нисэх буудлын шатахуун хангамжийн байгууламжийг концессийн шууд гэрээгээр өөрийн болгож авч байсан түүхтэй. Тухайн үеийн У. Хүрэлсүхийн Засгийн газрын хуралдаанаар гэнэт Шинэ нисэх буудлын шатахуун түгээх байгууламжийг Ц.Анандбазарт концессоор өгөх асуудал орж ирсэн нь сайд нарыг талцаж муудалцахад хүргэсэн. Дараа нь УИХ-ын гишүүн асан Н.Номтойбаяр “Засгийн газар нэг ААН-тэй л шууд гэрээ хийх эрхийг 2018 оны долдугаар сарын 9-ний Засгийн газрын хуралдаанаас гаргажээ" гэсэн мэдээллийг Төрийн ордонд хийсэн. Үүний дараа шууд гэрээ байгуулж хууль зөрчсөн гэдэг асуудал үүсч, 2020.03.11-ний өдөр тухайн үеийн Ерөнхий сайд У.Хүрэлсүхийн гарын үсэгтэйгээр цуцалсан байдаг. Яг энэ үестэй зэрэгцээд МИАТ ТӨХК-ийн дэд захирлаар ажиллаж байсан Н.Энхбаатар авлигын хэргээр баригдсан. Тэр өдөр Ц.Анандбазар гадаад руу хил давсан байдаг.  

Хоёрдугаарт: УИХ-ын гишүүн Ц.Анандбазар Т.Бадамжунайг Улаанбаатар хотын менежерээр ажиллаж байхад Дархан цаазат Богдхан уулын Бага тэнгэрийн аманд газар авахаар их хэмжээний хахууль өгсөн байж болзошгүй гэх асуудал.

Ц.Анандбазар Богдхан уулын дархан цаазат газар Бага тэнгэрийн аманд 160 айлын тансаг зэрэглэлийн хаус, 172 айлын орон сууц барьж, борлуулсан. Эл эх үүсвэрээ тайлбардаж чадаагүй бололтой. Бага тэнгэрийн аманд тансаг зэрэглэлийн хаус, хороолол барих газраа авсан нь Т.Бадамжунай байж болох уу гэдэг таамаг хөвөрчихлөө.

Намрын чуулганыг буцалгах сэдэв энэ. Хэчнээн гишүүний чихийг халууцуулж, татаж чангааж мэднэ.

Энэ мэдээнд өгөх таны үнэлгээ

Хуваалцаарай Жиргээрэй