Нүүрсний сонсгол #2: Ж.Батбаясгалан, М.Ганбаатар, Ц.Даваацэрэн нар өнөөдөр ам нээнэ

Хоёр дахь шатны сонсголын гурав дахь өдөр өнөөдөр болно.

Өнөөдөр /2023.12.20/ ЭТТ ХК-ийн охин компаниудад оруулсан бусад санхүүжилт. Ялангуяа “Тавантолгой түлш”-ийх төсвийн шинжтэй санхүүжилт. Мөн “Загийн усны хоолой”, Тавантолгой дулааны ЦС, кокос эрчим хүчний үйлдвэр, "Шивээ-Овоо", "Багануур"-т холбогдох асуудал зэргийг хэлэлцэнэ.

Үүнд “Тавантолгой түлш” ХХК-ийнхан гэрчээр оролцож ярина.

1. Ж.Батбаясгалан, ТТТ ХХК, НИТХ
2. Ц.Даваацэрэн, ТТТ ХХК
3. М.Ганбаатар, ТТТ ХХК
4. П.Амарцэцэг, нягтлан
5. С.Билэгдэмбэрэл, нягтлан
6. Н.Жавхлан, Зүүн үйлдвэрийн ерөнхий инженер
7. Т.Тулгабат, Мэргэжилтэн
8. Г.Гансүх, Гэрээний мэргэжилтэн
9. Б.Ганхуяг, ЭТТ ХК
10. Х.Батсайхан, Ажлын хэсэг
11. Б.Мөнхбаатар, Ажлын хэсэг
12. М.Батбаяр, Ажлын хэсэг
13. Т.Золжаргал, Ажлын хэсэг
14. Б.Батсайхан, Салбарын шуурхай удирдлага
15. Ж.Амгаланбаяр, Ажлын хэсэг
16. Б.Баярцэцэг, Ажлын хэсэг
17. Л.Баярмагнай, төслийн газар
18. Х.Баярсайхан, “Навсан” ХХК
19. И.Аюушжав, Эс Энд Э трэйд ХХК
20. Х.Чинбат, Чи Эм Эм ХХК нар.

Товчхондоо, сайжруулсан шахмал түлшийг хэрэглээнд нэвтрүүлснээс хойш  нийслэлийн  агаарын бохирдол 50 хувиар  буурсан гэж ярих дуртай хүмүүс ам нээнэ. “Эрдэнэс Тавантолгой” ХК-ийн удирдлагуудын нүүрсний хулгайн гэх хэргийн авлигын мөнгөнүүд “Тавантолгой Түлш” ХХК-аар дамжин гадагш гарсан гэх хардлага байдаг. Гэтэл “Тавантолгой Түлш” ХХК-ийн байгуулагдсан цагаас нь л ТУЗ-ийн даргаар НИТХ-ын дарга Ж.Батбаясгалан ажилласан. Ж.Батбаясгалангаас гадна “Тавантолгой түлш” ХХК-ийн захирлаар ажиллаж байсан, өдгөө ТУЗ-ийн гишүүн, БОАЖ-ын дэд сайд М.Ганбаатар ч нэр цэвэр үлдэх аргагүй.

Нүүрсний гэх хэрэгт гол холбогдогч болж, авлигын мөнгөөр Казахстанд хороолол бариулсан хэмээн ангайлгаж буй “Эрдэнэс Тавантолгой” ХК-ийн удирдлагын багийн нэг гишүүн Х.Нурлат ч “Тавантолгой түлш” ХХК-ийн ТУЗ-д байсан.

Тэгэхээр тус компаниар дамжин 6 сая ам.доллар гадагшилсан гэхчлэн асуудлаас эхлээд яриулж чадах уу гэдэг хүлээлт байна.

Тавантолгой түлш компанийн захирал асан М.Ганбаатар нэгэн цагт Улаанбаатарын утааг 50 хувь бурууруулсан “баатар” болоод байсан. Хордсон иргэдээсээ уучлалт гуйлгаж, хариуцлага хүлээлгэх учиртай хүн бол М.Ганбаатар. Нэмээд түүний “утаагүй түлш” нэрээр хэчнээн тэрбум төгрөг шороонд хаясныг олж, төлүүлэх шаардлагатай. Одоогийн Ерөнхийлөгчийн нөмөр нөөлгөнд нь хавчуулагдаж явдаг найзуудынх нь нэг гэгддэг. “Нийслэлийг утаагүй болгох” үүрэг бүхий өндөр хариуцлагатай албан тушаалд түүнийг одоогийн Ерөнхийлөгч аваачсан хэмээгдэж байв.

У.Хүрэлсүхийг Ерөнхийлөгч болсны дараа удалгүй нийслэлийн Гэр хорооллын барилгажилт хариуцсан газрын даргын албан тушаалтай тэрбээр намынхаа генсек Д.Амарбаясгалангийн үүдэнд ганц хоёр өдөр суулт хийсэн гэдэг. 

Үр дүнд нь Засгийн газрын 2018 оны дөрөвдүгээр сарын 25-ны өдрийн “Сайжруулсан шахмал түлшний үйлдвэр байгуулах тухай” хуралдааны шийдвэрийг үндэслэн “Эрдэнэс Монгол” ХХК-ийн ТУЗ-ийн 2018 оны тавдугаар сарын 10-ны өдрийн 23 дугаар тогтоолын дагуу сайжруулсан шахмал түлш үйлдвэрлэх чиг үүрэг бүхий “Тавантолгой түлш” ХХК үүсгэн байгуулсан. 

Улмаар 2018 оны тавдугаар сард Засгийн газрын шийдвэрээр “Тавантолгой түлш” ХХК-ийн гүйцэтгэх захирлаар М.Ганбаатарыг томилж байв.

Энэ мэдээнд өгөх таны үнэлгээ

Хуваалцаарай Жиргээрэй