Бригадын генерал Д.Загджав өнгөрөгч 2023 оны 12-р сарын 28-нд Үндэсний аудитын газрын ерөнхий аудиторын орлогчоор томилогдож, ажлаа хүлээн авсан билээ.
Нийгмийг аюулаас хамгаалах яамны Цэргийн дээд сургууль төгссөн Д.Загджавыг Үндэсний аудитын газрын ерөнхий аудиторын орлогчоор томилогдсон нь олон нийтийг гайхшруулаад буй.
Хуулиараа Үндэсний аудитын газрын ерөнхий аудиторыг УИХ-ын даргаас санал болгож, парламентаар томилж, чөлөөлдөг. Харин орлогчийг ерөнхий аудитор томилдог. Иймээс "Д.Занданбат албан тушаалаасаа буухын өмнө найзыгаа албан тушаалтай болгосон" гэгдсэн юм.
Тэгвэл албан тушаалаад очоод удаагүй тэрбээр багагүй хэл ам татлах болов.
Тодруулбал, "Үндэсний аудитын газрын дарга болуутаа "Оюутолгой" ХХК-нд 80 сая ам.долларын торгууль тавьсан. Мөн метан хийн хайгуул хийж буй гурван компани болон "Газрын тос боловсруулах үйлдвэр" ТӨХХК-д ч өндөр торгууль ногдуулсан" гэх мэдээлэл олон нийтийн цахим сүлжээнд цацагдсан юм.
Энэ талаар холбогдох байгууллагуудаас нь тодруулахад, "Оюутолгой" ХХК болон "Газрын тос боловсруулах үйлдвэр" ТӨХХК-нд Д.Загджав биш Татварын Ерөнхий газраас өндөр торгууль тавьсан гэдэг мэдээлэл олдов.
Д.Загджавын хувьд: МАН-аас дандаа албан тушаал авч, шагнуулж ирсэн нэгэн. Тэрбээр, МАН 2016 оны УИХ-ын сонгуульд үнэмлэхүй ялалт байгуулсны дараа Уул уурхай хүнд үйлдвэрийн дэд сайд болсон. 2020 оны УИХ-ын сонгуулийн дараа ШШГЕГ-ын даргаар томилсон. Ц.Анандбазарын бизнесийг хамгаалагч, ажлын ямар ч дүргүй түүнийг ийн албан тушаалаар дахин дахин шагнаад байсан нь олныг жинхэнэ утгаар нь гайхшируулж байсан билээ. Түүнээс хоёр жилийн дараа буюу 2022 оны долдугаар сарын 8-нд Ерөнхийлөгч У.Хүрэлсүхийн зарлигаар Бригадын генерал цол хүртээсэн.
Дэд сайдын алба хашиж байх хугацаандаа гадаад оронд очиж, казино тоглосон дуулианд нэр холбогдож байв. Гэвч албан тушаалаа үргэлжлүүлэн хашсаар суусан, ерөөс хууль үйлчилдэггүй нэгэн билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
GOE EREE
Хулгайч
Энэ нөхөр улсын төлөө юм хийхгүй ээ.
МАН-ын махан толгой, аймшигтай диктатор, намын бөөс !
МАН-ын махан толгой, намын бөөс, ма лын баас !
zandanbat ene 2 yag adilhan hulgaichuuud
ТЕГ чинь улс орны хамгийн чух�##� том с�##�баруудыг дарж устгах аянд мордлоо шүү!!! Ерөнхийлөгч, Ерөнхий сайд нар наадуулаа болиулаачээ!!! ТЕГ-т гадны гар орсон бололтой??!!