ОХУ-ын Ерөнхийлөгч Владимир Путин Батлан хамгаалахын салбарт явуулж буй цэвэрлэгээгээ үргэлжлүүлж даваа гарагт /2024.06.17/ дөрвөн дэд сайдыг ажлаас нь чөлөөлсөн байна.
Үүний дараа Путин өөрийн хамаатны хүнээ нэг албан тушаалд нь томилсон байна. Тавдугаар сарын эхээр тав дахь удаагаа ерөнхийлөгчийн тангараг өргөснийхөө дараа Путин Батлан хамгаалахын салбартаа цэвэрлэгээ эхлүүлсэн юм.
Даваа гарагийн шийдвэрээр тэр Батлан хамгаалахын дэд сайдууд болох Николай Панков, Руслан Цаликов, Татьяна Шевцова, Павел Попов нарыг огцруулж оронд нь өөрийн хамаатан Анна Цивилеваг томилжээ.
Талийгаач үеэлийнх нь охин болох Цивилева цэргийн алба хаагчдад үзүүлэх нийгэм, орон сууцны дэмжлэгийг сайжруулах тал дээр ажиллах юм. Түүний нөхөр Сергей Цивилева нь ОХУ-ын Эрчим хүчний сайд.
Өмнө нь Цилилеваг Украины дайнд байлдаж буй цэргүүдийг дэмжих төрийн сангийн тэргүүнээр ажиллаж байсан.
Түүнээс гадна Сангийн тэргүүн дэд сайд байсан Леонид Горниныг Батлан хамгаалахын тэргүүн дэд сайдын албан тушаалд томилжээ. Горнины гол үүрэг бол “санхүүгийн урсгалын ил тод байдлыг нэмэгдүүлэх, төсвийн хөрөнгийг үр ашигтай зарцуулах” гэж Батлан хамгаалах яам мэдэгдсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Hу и что
ноёрхол тогтоож байдаг шүү
За за ер нь дайн дуусах т�##�даа болжээ. Оросын армийг цэргийн бус Путлерийн хамаатнууд гартаа авчээ..Гитлёр амиа хорлохдоо бэлдэж байсан түүх санагдаж байна..төстэй л байна даа