Та бидний өдөр тутмын амьдралд хамгийн их хэрэглэгддэг, цаг зав хэмнэж, бэлэн мөнгө биедээ авч явах үед учирч болзошгүй эрсдлээс сэргийлдэг төлбөрийн картаа гээсэн, хулгайд алдсан, картын мэдээллээ алдсан тохиолдолд ямар арга хэмжээ авах авах вэ?
Харин бусдын төлбөрийн картыг олсон бол цахим орчинд зургийг нь оруулж, зарлахын оронд банканд хандан, хүлээлгэж өгөх нь эрсдэлгүй. Гэмтсэн болон хугацаа нь дууссан картаа хаяхдаа хайчлах, хугалах зэргээр дахин ашиглах боломжгүй болгон устгаж хэвшээрэй.
Мөн онлайн худалдан авалт хийхдээ картын мэдээллээ оруулахын өмнө тухайн вэбсайтыг сайтар нягталж, албан ёсны эрхтэй эсэх, аюулгүй байдлын SSL сертификаттай эсэх, үйлчилгээ нь төлбөртэй эсэх, автомат төлбөр таталттай эсэх зэрэг үйлчилгээний нөхцөлүүдтэй нь танилцахаа мартуузай.
- Та картын нууцлалаа хамгаалах үүднээс дараах зүйлсийг нууцалж, бусдад хэзээ ч бүү дамжуулаарай
- Картын дугаар /Картын зургийг авч бусдад илгээхгүй, цахим орчинд нийтлэхгүй байх/
- CVV дугаар / Хүнд хэлэхгүй, дамжуулахгүй, бичиж тэмдэглэхгүй байх/
- Пин код /Пин кодоо төрсөн огноо, утасны дугаар гэхчлэн таахад хялбар, өөрт хамааралтай мэдээлэл бүхий тоогоор сонгохгүй байх, бусдад хэлэхгүй, дамжуулахгүй, бичиж тэмдэглэхгүй байх/
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.