Хойд Солонгосын төрийн албан тушаалтнууд Ким Жон Уны зурагтай энгэрийн тэмдэг зүүх болсон байна.
Тус улсын төрийн өмчит телевиз ням гарагт /2024.06.30/ нийтэлсэн зургууд дээр эрх баригчид анхны удаа түүний зурагтай энгэрийн тэмдэг зүүсэн байсан нь буужээ.
Албан тушаалтнууд Солонгосын Хөдөлмөрчдийн намын 8-р төв хорооны жилийн эхний хагасын үйл ажиллагааг дүгнэх уулзалтын үеэр албан тушаалтнууд тэрхүү тэмдгийг зүүсэн байна.
Хойд Солонгосын хэвлэл Ким Жон Уны зурагтай энгэрийн тэмдгийг албан тушаалтнууд зүүж байгаа зургийг нийтэлсэн нь түүнийг аав Ким Жон Ил, өвөө Ким Ил Сун нартай ижил статустай гэдгийг харуулах зорилготой гэж мэргэжилтнүүд үзэж буй.
Тус улсынд Ким Жон Ил болон Ким Ил Суны зураг бүхий энгэрийн тэмдгийг зүүдэг байна. Ийм учраас Ким Жон Уны зургийг энгэрийн тэмдэг дээр хэвлэснээр түүнийг БНАСАУ-ын өмнөх удирдагчидтай ижил статусынх гэдгийг харуулах гэж оролдож байгаа аж.
Дөрөвдүгээр сард Хойд Солонгосын төрийн өмчит телевиз Ким Жон Уныг нөхөрсөг эцэг, агуу удирдагч хэмээн магтан дуулсан суртал ухуулгын дуу гаргасан юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.