Европын зөвлөлийн Ерөнхийлөгч Антонио Коста Европын холбоонд элсэх нь Украины ирээдүйд чухал ач холбогдолтой гэж хэлжээ. Харин Европын комиссын Ерөнхийлөгч Урсула фон дер Лейен 2030 оноос өмнө Украин Европын холбоонд элсэж магадгүй хэмээсэн байна.
Даваа гарагт /2025.02.24/ Европын холбооны удирдагчид болон Канадын Ерөнхий сайд Жастин Трюдо нар хамтарсан хэвлэлийн бага хурал хийсэн юм. Тус бага хурлын үеэр Коста ингэж хэлжээ. Украины Ерөнхийлөгч Владимир Зеленский тэрхүү хуралд оролцож үг хэлэхдээ АНУ улсыг нь үргэлжлүүлэн дэмжинэ гэж найдаж буйгаа илэрхийлсэн юм. Тэр “Бид Европ болон АНУ-ын эв нэгдлийг алдах ёсгүй” гэжээ.
Өчигдөр бол ОХУ Украин руу цэргээ оруулж дайн эхлүүлсний гурван жилийн ой байсан юм. Ийм учир барууны удирдагчид даваа гарагт Киев цуглан, эв санааны нэгдлээ илэрхийлжээ. Гэхдээ энэ үйл ажиллагаанд Вашингтоноос ямар нэгэн өндөр албан тушаалтан оролцоогүй байна.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ЕХ , НАТО-ын Цэргийн зардлаа дийлэхгүй байж бас сүйрсэн Украйныг холбоондоо авна гэнээ, ЕХ удахгүй Задарч бутарах гэж байж,,,,,
Хошного Трамп
Харин ч ганц эрүүл ухаантай удирдагч нь Трамп байх.