АНУ-ын бейсболын хамгийн том лигт монгол хүн хоёр дахь жилдээ нээлтийн бөмбөг шидлээ

Миннесота мужийн Миннеаполис хотод бизнес эрхэлдэг Билли Суши рестораны эзэн Ц.Энхбилэг нэрээр олонд танигдсан Билли хоёр дахь жилдээ АНУ-ын бейсболын хамгийн том лигт Minnesota Twins багыг төлөөлөн гарч, эхний бөмбөгийг шидлээ.

Ингэхдээ тэрбээр дахин монгол дээлээ өмсөж, азиудыг төлөөлсөн байна.

20 настай АНУ-ыг зорьсон Ц.Энхбилэг өөрийн Билли Суши ресторанаа Миннесота мужийн Миннеаполис хотод нээгээд 16 жил болж буй. Өдгөө нийт 500 гаруй хүнийг ажлыг байраар хангадаг муждаа нэр, нөлөө бүхий нэгэн юм. Тэрбээр мужийнхаа 200 мянга гаруй ази хүмүүсийг төлөөлж АНУ-ын алдарт шоу нэвтрүүлгүүдэд хэд хэдэн удаа оролцсоноор олон бүр ч танигдсаар байгаа билээ.

2023 онд Star Tribune сонин Ц.Энхбилэгийг Миннесота мужийн нөлөө бүхий 50 хүний нэгээр нэрлэсэн юм. Мөн түүний ресторанд хооллохын тулд хоёр сарын өмнө цаг захиалдаг байна.

Ингээд түүний хоёр дахь жилдээ АНУ-ын бейсболын хамгийн том лигт Миннесота Твинс багаа төлөөлсөн сэтгэгдлийг хүргэе.

-Twins vs. Yankees тоглолтын эхний талбайг шидэх онцгой хүндэтгэлийг надад олгосон Миннесота Твинс багийнханд чин сэтгэлээсээ баярлалаа. Гол тавцан дээр намайг дэмжиж буй хүмүүсийн өмнө зогсох мөч миний насан туршдаа авч болох хамгийн том бэлэг байлаа. Яг тэр мөчид би энэ ертөнцөөс халиад сансар огторгуйд хөвж байгаа юм шиг санагдав. Намайг энд авчирсан аяллын тухай бодлоо. Ийм тайзан дээр зогсоно гэж төсөөлж ч байгаагүй Монголын бяцхан хүүгийн хувьд энэ нь мөрөөдлөөс илүү байлаа.

Энэ мэдээнд өгөх таны үнэлгээ

Хуваалцаарай Жиргээрэй