АНУ-ын Ерөнхийлөгч Доналд Трамп баасан гарагт /2025.10.03/ мэдэгдэл хийхдээ Израил Газын зурвасыг бөмбөгдөхөө яаралтай зогсоох хэрэгтэй гэжээ. Хамас бүлэг барьцааны хүмүүсийг суллах зэрэг бусад нөхцлийг хүлээн авсан байна.
Трамп өөрийн сошиал хуудас дээрээ “Барьцаанд буй хүмүүсийг аюулгүй байдлаар хурдан гаргаж авахын тулд Израил Газын зурвасын бөмбөгдөхөө нэн даруй зогсоох хэрэгтэй. Бид тохиролцооны нарийн ширийн зүйлсийг хэлэлцэж байгаа. Энэ асуудал бол зөвхөн Газын зурвасын талаар биш, Ойрх дорнодод урт хугацааны энх тайван тогтоох ач холбогдолтой зүйл” гэжээ.
Израилын Ерөнхий сайд Биньямин Нетаньяхугийн ажлын алба мэдэгдэл хийхдээ Трампын төлөвлөгөөний эхний шатыг нэн даруй хэрэгжүүлэхэд бэлтгэж байна хэмээсэн юм. Үүнээс төд удалгүй Израилын хэвлэлүүд мэдээлэхдээ улс төрийн элитүүд нь Газын зурвас дахь цэргийн үйл ажиллагааг багасгахыг даалгасан гэсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.